A Sreenu Vaitla Film : ఆగడు

ప్రజలారా..  తెలుగువారిగా మనందరికీ తెలుసు మహేష్ బాబు కి మేకప్ అక్కర్లేదనీ, శ్రీనువైట్ల సినిమా కి స్టోరీ అక్కర్లేదనీ, మనం కామెడీ  మాత్రం మనం కనెక్ట్ అయిపోతామనీ. కానీ నెత్తి మీద పిడుగు పడినప్పుడూ,
పాము కాటేసినప్పుడూ, గేదె పేడేసినప్పుడూ ఒకటే మంత్రం వేస్తానంటే  జుత్తు కాలిపోయి, నోట్లోంచి నురగలొచ్చేసి, సీన్ కంపు కొడతాది... సినిమా తీసినోళ్ళకీ, చూసినోళ్లకీ కూడా.! ఆ తర్వాత ఇదిగో... ఇట్టాంటి పోస్టులు చదవాల్సిన కర్మ పడతాది మీకు.

చిన్న ఊక దంపుడు కార్యక్రమంః

గుడుంబా శంకర్ తో మొదలయ్యి ఫెయిలయిన ఒక స్టోరీ టెంప్లేట్ నీ, మార్పులు చేసి బంపర్ హిట్ లు కొట్టిన ఘనత శ్రీమాన్ శ్రీను వైట్ల దే. అది ఎలాంటి ఘనతంటే
ప్రస్తుతం తెలుగు సినిమాలకి డైరెక్టర్లు వేరై ఉండొచ్చు, హీరోలు మారి ఉండొచ్చు, హీరోయిన్లు కామన్ అయి ఉండొచ్చు, రైటర్లకీ, డైరెక్టర్లకీ పడకపోయి ఉండొచ్చు, విడిపోయి విడివిడి గా దాడి చెయ్యొచ్చు కానీ "ఆవు వ్యాసం" లాగా అదే టెంప్లేట్.
ఈ ఎదవ ఫార్ములా పుణ్యమా అనీ తెలుగు హీరోలు కమెడియన్లు గానూ, హీరోయిన్లు , ఐటెం నంబర్లు గానూ, విలన్లు బఫూన్లు గానూ, కమెడియన్లు హీరోలుగానూ రూపాంతరం చెందారు. హరిశ్చంద్రుడి జీవిత చరిత్రైనా, సిపాయిల తిరుగుబాటు కధ అయినా ఈ టెంప్లేట్ లో పెట్టాక
ఒకలాగే తయారవుతాయి.
ఉదాహరణకి రామాయణాన్ని సినిమాగా తీయమని వీళ్ల చేతిలో పెడితే ఈ కమర్షియల్ టెంప్లేట్ లో పెట్టి, అవసరం అనుకుంటే కామెడీ బిట్లు హిందీ సినిమాల నుండీ, కాన్సెప్ట్  కొరియా సినిమా నుండీ, ఫైట్లు హాలీవుడ్ సినిమా నుండీ లేపేసి కలిపేసి పులిహోర చేసి హిట్ చేసెయ్యగలరు.

సపోజ్... పర్ సపోజ్... ఇదే శ్రీనుగారికి మహేష్ బాబుని రాముడుగా పెట్టి రామాయణాన్ని తీయమంటే......... అది ఈ ఆవు వ్యాసం టెంప్లేట్ లో ఇల్లా అవుతుంది.

(గమనికః ఇదో భయంకరమైన, మా చెడ్డ ఊహ మాత్రమే. నాకు రామాయణం అంటే ఇష్టం, గౌరవం)

సినిమా బిగినింగ్ లో బాల రాముడు-దశరధుడి మీద రెండు సెంటిమెంట్ సీన్లు, అడవి లో ఫస్ట్ ఫైట్, ఆ తర్వాత హీరో ఇంట్రడక్షన్ సాంగ్, తొట్టిగ్యాంగ్ ఫ్రెండ్స్ తో కామెడీ, సీత తో పరిచయం-డ్యూయెట్, సూర్పణఖ తో లక్ష్మణుడి ఐటెం సాంగ్.(క్షమించాలి)
ఇంటర్వెల్ బ్యాంగ్ కి రావణాసురిడి తో చాలెంజ్, సెకండ్ హాఫ్ లో బ్రహ్మానందం ఎంట్రీ (దీనికి లాజిక్కులతో పని లే..!!) బ్రహ్మానందాన్ని బకరాని చేసి, ఆ అడ్డెట్టుకొని రావణాసురిడింట్లో మకాం. విలన్ గ్యాంగ్ ని మొత్తాన్నీ వెధవల్ని చేసి, ఇంద్రజిత్ తో ఫైటింగ్ చేసీ చంపేసీ,చివరాఖర్న రావణాసురిడి లో మార్పు తెచ్చి, శాంతిని నెలకొల్పి సీతని విడిపించుకొని శుభం కార్డ్ వేసి, టికెట్ రేటు వందా, ధియేటర్లు వెయ్యీ పెంచి ఫస్ట్ వీక్ కలెక్షన్ తో బాక్సాఫీస్ ని షేక్ చేసేస్తారు. ఈ వారం రోజులూ  టీవీ నైన్ లో లైవ్ షో దగ్గర నుండీ దూరదర్శన్ లో పందుల పెంపకం
ప్రోగ్రాం దాకా గెస్ట్లు గా వీళ్ళే ఉంటారు. ఏ రియాలిటీ షో జూసినా ఏమున్నది గర్వకారణం..  హిట్టయిన సీరియల్ ఆర్టిస్టులూ, ఫ్లాపయిన సినిమా బృందాల ఓవరాక్షన్లూ తప్ప. ఆ సినిమాని ఏ  పండక్కో టీవీ లో వేసే లోగా, యూట్యూబ్ లో పెట్టే లోగా బస్సు యాత్రా, నా వల్లకాడు యాత్రానూ..!!

అసలు సంగతి వదిలేశాను. కీలక మైన పంచ్ డైలాగులు. ఇప్పుడు SuperStar in & as శ్రీరాముడు గా అద్దిరి పోయే పంచ్ డైలాగ్స్.
[మరే.... పంచ్ డైలాగుల ప్రభావం జనాల మీద గట్టి గానే ఉంది]

మధ్య మధ్య లో ముక్కు ఎగబీలుస్తూ...
కీచు గొంతుతో.... రవణా...(రావణా) ఎప్పుడొచ్చామన్నది కాదన్నయ్యా.... బాణం దిగిందా లేదా ?

రవణా..... మధురై ని కాపాడ్డానికి మీనాక్షమ్మ ఉందీ.. నా సీత ని కాపాడుకోడానికి నేనున్నాను

బాణం తీశాకా.. బ్లైండ్ గా వేసెయ్యటమే (నీ దూకుడూ... సా...టెవ్వడూ... )

విభీషణుడు హ్యాండిచ్చాడంటగా.. మండోదరి హ్యాపీసా? యుద్ధా.......నికొస్తున్నారంటగా? గెలుపూనాదే సీతా నాదే... ఎప్పుడిస్తున్నావ్ సీతనీ ఆ .....?

పడుకున్న పులినీ, వనవాసం చేసుకుంటున్న నన్నూ కెలికితే..... వేటే

దూకుడు లేకపోతే ఈ రాముడుకీ కీ ఆ రావణుడికీ తేడా ఏం ఉంటదీ?

నేను యుద్దానికొస్తే నరకం లో హౌస్ ఫుల్ బోర్డ్ పెట్టుకోవాలి

బాణాలకి బెదరని బాడీ రా నాదీ..!

మా నాన్నెప్పుడూ ఒకటి చెప్తుండేవాడు "మూడు పెళ్ళిళ్ళు చేసుకుంటే మూకుడు లో వేపుడైపోద్ది బతుకూ.. అని"

విల్లు చూడాలనుకో.... తప్పులేదు.. కానీ బాణాన్ని చూడాలనుకోకు చచ్చిపోతావ్.

మహేశ్ః రావణాసురుడు గారు.. మీరు చేసింది తప్పు.
రావణాసురుడుః తెలుసయ్యా.. కానీ మానలేకపోతున్నాను. పూర్వం పది డబ్బాలు వాడేవాడిని.ఇప్పుడు తగ్గించా.
మహేశ్ః నేను మాట్లాడేది మెంతోప్లస్ గురించి కాదండీ.
రావణాసురుడుః కొంపదీసి సీత గురించా? చూడు రామా... నువ్ ఇప్పుడొచ్చావ్.. నేను ఆల్రెడీ జటాయువు రెక్కలు తెగ్గొట్టోచ్చాను. అది తెలిస్తే మీ వాళ్ళకి హార్ట్ ఎటాక్ వస్తుందీ.. రామసేతు దగ్గర రెడీగా ఉండు

నేను ఈ లంకా నగరం చేత &$*$(@% కొచ్చాను.

ఈళ్ళేంటీ.. ఇంగ్లీష్ మాట్లాడ్డం ఏంటీ అనుకుంటున్నారా??  "సినిమాల్జూట్టం లేదేటీ??"

ఇంకేముందీ... పంచ్ డైలాగులకి సినిమా  హిట్టు. మనోభావాలు గాయపడినందుకు ధియేటర్ బయట ధర్నా చేసిన ప్రజానీకం. రెండో వారం ఊపందుకున్న కలెక్షన్లు. సినిమా సూపర్ డూపర్ హిట్టు.
***********************************************************************************************************************

ఏదో రాద్దామని మొదలెట్టి ఇంకేదేదో రాసినట్టున్నా... ఫ్రస్ట్రేషన్..  ఫ్రస్ట్రేషన్..!!! ఇంట్లో మా ఆవిడ ప్రేమ పూర్వక హింస , ఆఫీసులో మా డామేజరు అధికారిక హింస. రిలాక్స్ అవ్వడానికి  సినిమా కెళ్తే  వినోదాత్మక హింస.
పొద్దున్న తొమ్మిది నుండి రాత్రి ఎనిమిదింటిదాకా ఆఫీసు లో అఘోరించి, బజారు చేసీ, ఇంటి కొచ్చి, అంట్లు తోమి, వంట చేసీ (కంట్రోల్...కంట్రోల్... అబ్బెబ్బే అదేం లేదు...అంతా తూచ్..)  పదింటికి   ఐదొందలు పెట్టి టికెట్ట్ కొనీ "ఆగడు" సినిమాకెళ్ళి మహేష్ బాబు ఎంట్రన్స్ కి విజిలేసి
అలసిపోయిన పాపానికి ఇదా ప్రతిఫలం???
ఈ సినిమాకి రివ్యూ రాసే ఓపిక మాత్రం నాకు లేదు బగమంతుడా..!!  ఓ ఉత్తరం ముక్క మాత్రం రాస్తున్యా.
నాకు చాలా డౌట్లు ఉన్నాయ్... ఐ వాంట్ ఆన్సర్స్ రైట్ నౌ.

గౌరవనీయులైన శ్రీను వైట్ల సారు కీ,

మీ కొత్త సినిమా "ఆగడు" బాధితుడు పిచ్చాసుపత్రి నుండి అశ్రు నయనాలతో , రక్త కర్ణాలతో, శిరోభారం తో, స్వహస్తాలతో  రాస్తున్న విన్నపం ఏమనగా,

అయ్యా... గత కొన్నేళ్ళుగా  మీ సినిమాలకి కామెడీ సీన్లు తీశాక స్టోరీ అల్లుకుంటారనిన్నూ, బ్రహ్మానందం లేని మీ సినిమా బాస్మతీ రైస్ లేని బిర్యానీ లాంటిదనిన్నూ సమైక్య వాదులూ, తెలంగాణా వాదులూ మూకుమ్మడి గా ఒప్పుకునే  ఒకే ఒక్క గోప్ప వాస్తవం. సర్వ కధ సమ్మేళనం లాంటి మీ ఏకైక కధ భిన్నత్వం లో ఏకత్వాన్ని ఎలుగెత్తి
చాటుతూ  ఎక్కడ మొదలవ్వుద్దో , ఏడేడ తిరుగుద్దో  ఎవ్వరూ పట్టించుకోరనీ, మీ చేతకాని తనాన్ని క్షమించేసి
హాస్యాన్ని మాత్రం ఆస్వాదించి డైలాగులు నెమరేసుకొంటూ హాలు బయటకొస్తారన్నది జనమెరిగిన సత్యం.



1. సినిమా మొదలవ్వటమే దుమ్ము, ధూళి తో మొదలయ్యింది. అది చూసి  "బెంగుళూర్ లో పొల్యూషన్ బాగా పెరిగిపోయింది. ఈ నగరానికి ఏమైంది? ఓ వైపు నుసీ, మరో వైపు పొగ" అనేసుకొని నేను తెగ ఇదైపోయాను. ఆ తర్వాత రియలైజ్ అయ్యి పోనీ లే  ఔట్ డోర్ షూటింగ్ అక్కడ ప్లాన్ చేశారు అనుకున్నాను. మొదటి పాట కూడా
ధూళి బాంబులు పేలుస్తూ, ఆ దుమ్ము లోనే తీశారు. ఎందుకలగా?? "సినిమా దుమ్ము లేపుతాది" అని చెప్పడమా? లేకా మీ టీం తల విదిలించగా రేగిన మట్టా??


2.అసలు మా గురించి మీరేం అనుకుంటున్నారు??

"అవునండయ్యా.. మా ఇండస్ట్రీ లో మోస్ట్ టాలెంటెడ్ రైటర్స్ & డైరెక్టర్స్ ఉన్నారు. వాళ్ళు జనాలకి కావల్సినవన్నీ కొలిచి వాళ్ల టెంప్లేట్ లో మసాలాలు  దట్టించి వదుల్తారు. ఎందుకంటే మా ప్రేక్షకులకి ఇవే కావాల.
మన జనాలున్నారే?? తీసిన సినిమాని మళ్ళీ మళ్ళీ తీసి చూపించినా, హిట్టయిన సినిమాలని మిక్సీ లో వేసి వండేసినా, కామెడీ బాగుంటే కాంప్రమైజ్ అయిపోతారు. ఆ కామెడీ లేక పోతే హారర్ సినిమాలు కూడా చూడరు తింగరి కుంకలు. (నిజమే కదా??)
ఈళ్ళ మొహాలకి హాలీవుడ్ రేంజ్ సినిమాలొద్దు గానీ, హాలీవుడ్ సినిమాలనుండి లేపేసిన సీన్లు,  ఫైట్లూ చాలు.
ఎవడైనా ధైర్యం చేసి "1" లాంటి సినిమాతీస్తే అరాయించుకొనే శక్తి లేదు. మిధునం లాంటి సినిమాలకి ధియేటర్లు దొరికే పరిస్థితి లేదు. చూసే ఓపిక అస్సలు లేదు.  ప్రాసలు రాసే రైటర్లు, తన్నులు తినే బ్రమ్మానందం, ట్రయిలర్లు చూసి ఫేస్బుక్ లో
కొట్టుకు చచ్చే ఫ్యాన్సుండగా మా కేల చింత??"

ఇదేనా మాపై మీ అభిప్రాయం?? అందుకేనా మిగిలిపోయిన పలావునీ, పాచిపోయిన పులిహోరనీ కలిపి పోపెట్టి పార్సిల్ చేసేసి మా ప్రాణాల మీదకి తెచ్చారు??

౩. ఇది చాలా ఇంపార్టెంట్ ప్రశ్న.
సినిమా లో క్యారెక్టర్లన్నీ, ఎవరో తరుముకొస్తున్నట్టూ, పాడైపోయిన లౌడ్ స్పీకర్ మింగినట్టూ హడావిడిగా, హై పిచ్ లో అరుస్తాయెందుకనీ?? దీన్నేనా ఏక్టర్ల భాషలో టైమింగ్ అంటారు??
దూకుడు సినిమా క్లైమాక్స్  లో బ్రహ్మీ చూపించిన ఎనర్జీ కి జనాల రియాక్షన్ బాగుందని ఈ సినిమా మొదటి  నుండీ చూపించాలన్న దురాశే అలా చెయ్యించిందా?? మహేష్ చేత బ్రహ్మీ ని ఇమిటేట్ చేయించినట్టుగా అనిపించలేదా?? అవి డైలాగులు చెప్పినట్టు లేవు దేవరా.... కాకా హోటల్ లో సప్లయిర్ "ఇడ్లీ,వడా,పూరీ,ఉప్మా, పొంగల్, దోసా,పెసరట్,మినపట్," అని గ్యాప్ లేకుండ లిస్ట్ చదివినట్టూ, సాఫ్ట్వేర్ కంపెనీ పేర్లకి అబ్రివేషన్స్ వింటున్నట్టూ ఉన్నాది.  ఒక్క డైలాగన్నా పూర్తిగా చెవులోకెళ్తే మీ నెక్స్ట్ సినిమాకి నాకు ఫ్రీ టెకెట్స్ పంపించి పగదీర్చుకోండి.

4. ప్రాస ఉన్న ప్రతి మాటా పంచ్ డైలాగ్ ఐపోతుందా?? అవసరం ఉన్నా లేకపోయినా రైమింగ్ కోసం రాసి పారేస్తారా?? ఆ రైమింగ్ కోసం ఆక్స్ఫర్డ్ డిక్షనరీ పక్కనెట్టుకొని రాసినట్టూ బొచ్చెడు ఇంగ్లీష్ పదాలు
గ్యాప్ లేకుండా రాసి పొలాల్లో మందుకొట్టినట్టూ మా చెవుల్లోకి పిచికారీ చేశారు. వై దిస్ కొలవెర్రి ఢీ గోవిందా?? బాద్షా
సినిమాని హిట్ చెయ్యలేదని ఇంత పగబడతారా??

5. నేను ఒక శ్రీను వైట్ల  సినిమాకి వెళ్ళీ, ఒక్క సారి కూడా నవ్వకుండా రావడం. ఇదొక రికార్డ్ మాషారూ..!  మా తాత చనిపోయినప్పుడు కూడా అంత సీరియస్ గా లేను నేను.
ఫస్టాఫ్ లో బ్రహ్మీ వచ్చాక నవ్వుదామని వెయిట్ చేశాను. బ్రహ్మీ వచ్చాక సినిమా ఎప్పుడైపోద్దా అని వెయిట్ చేశాను. బహుశా నాలో హాస్యగ్రంధులు హరించుకుపోయాయేమో..!!

5. ఫస్టాఫ్ గబ్బర్ సింగ్ నీ ( హీరో ఇంట్రొడక్షన్, హీరోయిన్ కాస్టూంస్ తో సహా పోలిక కనిపించేలా) , సెకండ్ హాఫ్ దూకుడునీ కలిపేసి రీమిక్స్ చేసి వదిలేస్తానంటే చేసెయ్యడానికి మేం ఏక్టర్స్ కాదూ.. రిసల్ట్ డిసైడ్ జేసే ఫ్యాక్టర్స్. (ఇదీ పంచ్ డైలాగుల ప్రభావమే)
తమరికి షార్ట్ టైం మెమొరీ లాస్ గానీ ఉందా లేకా మాకుందని మీ ఫీలింగా?? ఈ రోజుల్లో జనాలు చాలా షార్ప్ గా ఉన్నారయా.. సీన్ చూసి ఏ సినిమా నుండి లేపేశారో, ట్యూన్ విని ఏ ఆల్బం కాపీ కొట్టారో ఫేస్బుక్ లో పెట్టి దులిపేస్తున్నారు. అంచేత "నో చెవిలొ పువ్వెట్టింగ్...నో చెవిలొ పువ్వెట్టింగ్"

6.తమన్ బాబు గారి మొబైల్ లో ఇంటర్నెట్ ప్యాకేజ్ వెయ్యించలేదా??  కొట్టెయ్యడానికి కొత్త పాటల్లేక వారు సొంత ట్యూన్స్ ఇచ్చినట్టున్నారు. ఏంది సార్ ఆ పాటలో?? అసలేంటంటున్నాను?? దూకుడు పాటల్నే మళ్ళీ పెట్టుకోవాల్సింది. మిమ్మల్ని ఎవరాపగలరు?? ఇహ ఆ బ్యాక్ గ్రౌండ్ మ్యూజిక్ బాబా...
పాలరాతి నేల మీద అందమైన అమ్మాయి హై హీల్స్ తో క్యాట్ వాక్ చేసినట్టూ "టిక్కుం..టిక్కుం..ట్రియ్యుం ట్రియ్యుం"

7. ఇందాకే వీడియో లో చూశా. ఆ డైలాగులు అర్ధం చేస్కోడానికి రెండో సారి చూడాలనీ, ఆ పై ఎల్లలు లేని ఎంజాయ్మెంట్ మీదేననీ సెలవిచ్చారు.... అడ్డెడ్డె... అర్ధం చేసుకోడానికి మళ్ళీ మళ్ళీ చూడ్డానికి ఇది క్రిస్టోఫర్ నోలన్ సినిమా కాదు గదా శ్రీను వైట్ల కామెడీ సినిమా.

8.పాపం ప్రకాష్ రాజ్ ఎమోషనల్ స్పీచ్ ని ఏజిటీజ్ గా వాడేసుకుని కమ్మగడతారా? తప్పు కదూ?? పోనీ ఆ డైలాగు అక్కడ విలన్ కి సూటయ్యి ఏడ్చిందా అంటే అదీ లేదు." గిసుంటివి మస్తు జేసినం.  గిదేమన్నా ఫస్ట్ టైమా? నాకు నచ్చకపోతే నెక్స్ట్ సినిమా లో క్యారెక్టర్ ని చేసి కసి దీర్చుకుంటా" నంటారా?? వాకే...!

9. సినిమా మొత్తం అయిపోయాక, చూశాక "సినిమా ఏంటి ఇంత చెత్తగా ఉందీ?" అని మీకు ఎందుకు అనిపించలేదూ అని ప్రశ్నిస్తా ఉన్నా?? సోనూ సూద్ లాంటి విలన్ని పెట్టుకొని,  క్లైమాక్స్ లో బ్రహ్మీ చేత గ్రాఫిక్స్
డాన్సులు చేయించడమేందో.. జనాల్ని నవ్వించీడానికే?? ఆ...హా??


10. కేవలం పంచ్ డైలాగుల కామెడీ, పాత సినిమాల పేరడీ ఒకసారి చూడొచ్చు. రెండో సారి భరించొచ్చు. కానీ మళ్ళీ
మళ్ళీ చూపిస్తుంటే వాటికోసం రిపీటెడ్ గా ఎగబడే రోజులు కావండయ్యా. యూట్యూబ్ లో బొచ్చెడు కామెడీ షార్ట్
ఫిల్మ్స్ ఉన్నాయ్. టీవీ లో వచ్చే జబర్దస్త్ కీ,  సినిమాలకీ కొంచెం తేడా చూపెట్టండి. అప్ డేట్ అవ్వండి అయ్యోరా..!

"సినిమాని విమర్శించడం కాదు..  నువ్వు తియ్యగలవా..?? అసలు సినిమా గురించి మీకేం తెల్సు?" అని, టికెట్టు
కొనుక్కొని ఆ తర్వాత నెత్తి కొట్టుకొని ఏడ్చే మా లాంటి ప్రేక్షకుల మీద పడకండి. మాకు స్క్రీన్ ప్లే లాంటి పదాలకి
స్పెల్లింగులు కూడా రావు. (అందుకే తెలుగు లో రాశా).
కొత్తగా ఉంటే కధ బాగున్నట్టూ, పాత కధయినా ఆసక్తి గా చూస్తుంటే స్క్రీన్ ప్లే బాగున్నట్టూ, పాటలొచ్చినప్పుడు ,
ఫైట్లొచ్చినప్పుడు కూడా సెల్ ఫోన్ చూడకుండా ఉంటే సినిమా సూపరన్నట్టు.

మీ నెక్శ్ట్ సినిమాలు వస్తాయి కదా... ఒంగడు,దాగడు,దగ్గడు, మింగడు,కక్కడు.. మున్నగు టైటిల్స్ తో. మా లాంటి బాధితుల ఆవేదనని అర్ధం చేసుకొనీ వాటిని కొంచెం చూడదగ్గ సినిమాలుగా తీసి వదలాల్సిందిగా వేడుకుంటున్నాను.
"లేదూ... ఆ శీనువైట్ల ఆనందం, వెంకీ సినిమాలకే పరిమితం, ఇప్పుడు స్టార్ డైరెక్టర్నీ.... సరికొత్త శీను ని , పూర్తిగా
మారిపోయాను" అంటారా?
ఇట్టాంటి సినిమాలు ఇంకా తీసి మమ్మల్ని చచ్చేలా చావగొట్టండి. ఆ తర్వాత హృదయకాలేయం, మూత్రపిండాలూ, అరుస్తున్న పేగులు, మెదడు వాపు, లాంటి టైటిల్స్ తో మరిన్ని సినిమాలొచ్చి మీరు ఇత్తడి చేసొదిలేసిన  మా మీద ఇంత మట్టేసి పోతాయి. దరిద్రం వదిలిపోద్ది.

చివరిగా...
ఈ సినిమా లో కొన్ని డవిలాగులున్నాయిగా  కత్తి తో మామిడికాయ కోసినట్టూ.. కస్ కస్ కస్ లాడుతా.... ఆ స్టైల్ లో చెప్పుకుంటే
ఈ సినిమా ఒక Senseless,worthless,time killing,money wasting,torturing,brain damaging,bone breaking,,boring, blunderful,harmful,pathetic,predictable,unbearable,unstoppable, routine,రొట్ట , చచ్చు, పుచ్చు చెత్త సినిమా.

ఇల్లాంటి డైలాగులు మాకు ధియేటర్లో ఎలా వినిపించినియ్యో తెలుసునా??
Senselessworthlesstimekillingmoneywastingbraindamagingbonebreakingtorturingboringblunderfullharmful
patheticpredictableunbearableunstoppableroutineరొట్టచచ్చుపుచ్చుచెత్తసినిమా.

ఇంతే సంగతులు
చిత్తగించవలెను.

జై హింద్.!!!

షాడో.... ది ఎండో..!!

 "గాలిని ముట్టుకోలేవ్.. మంటని తట్టుకోలేవు... ఈ షాడోని పట్టుకోలేవ్... నేనొక మిస్టరీ... మీరంతా చూడబోయేదీ... నా విక్టరీ"

సరికొత్త విచిత్ర కేశాలంకరణ తో కడుపంతా గరిటపెట్టి దేవేసేంత స్టైలింగ్ తో ఎంకటేష్ బాబు మెరిసిపోతుండగా తుపాకీ మోతలతో కార్ల కీచు శబ్దాలతో కూడిన ట్రైలర్ చూసినప్పుడే డిసైడైపోయాను ఇది U SQUARE movie కాదూ శక్తి స్క్వేర్ మూవీ అని.
"వెంకటేసుల తర్వాత సినిమా మెహర్ రమేష్ దర్శకత్వం లో భారీ గా ప్రతిష్టాత్మకంగా రూపుదిద్దుకుంటుందీ" అన్న వార్త రాంగానే నాకు బాబు మీద జాలేసింది. కానీ ఈరోజు మాత్రం గర్వం గా ఉంది. మా ముత్తాతల కాలం నాటి కధని దాదాపు అదే టేకింగ్ తో తీస్తానంటే చెయ్యడానికి ఒప్పుకున్నాడంటే ఎంత ధైర్యం ఉండాలీ? ఎంత త్రెడ్ తెగింపు ఉండాలీ??

ఇదేమీ సస్పెన్స్ సినిమా కాదు గనక...కధ చెప్పినా మీరు మిస్సయ్యేదేమీ లేదు గనక.. ఆ మాటకొస్తే కధే లేదు గనక మొదట్నుండీ చెప్తాను.
మొట్టమొదటేమో... సింహం ఒకటి పరిగెట్టుకుంటూ వస్తాదన్న మాట. ఏ సర్కస్ కంపెనీ నుండో పారిపోయి వచ్చేస్తుందేమో అనుకున్నా. హాల్ నుండి బయటకెళ్ళేటప్పుడు "మీ పరిస్థితి ఇంతే" అని సింబాలిక్ గా చెప్పేడు మన రమేషు.

మన "తమ్ముడన్నయ్య" నాగబాబు ఉన్నాడు కదా. సినిమాలో తన పేరు "రఘురాం" ఆ బాబు అడ్డపాయ తీసి హెయిర్ స్ట్రైటెనింగ్ చేయించిన విగ్గుని నెత్తి మీద పెట్టుకొని(అది శక్తి సినిమాలో ఎన్టీఆర్ కి వాడిన విగ్గే అని నా డౌటనుమానం) ఒక "డాన్" దగ్గర నమ్మకంగా పని చేస్తూ వాడి రహస్యాలన్నీ కనిపెట్టి "Operation Shadow" అనే పుస్తకం (ఆధారాలతో ఉన్న ఫైల్) రాస్తాడు.ఈ పొడుగైన బాబుకి ఒక తెల్లని భార్య, చిన్నారి కూతురు, పగపూరిత కొడుకు(హీరో.. హీరో బాలషాడో). ఇంత రిస్క్ చేసి విలన్ల దగ్గర అండర్ కవర్ ఆపరేషన్ చేస్తున్నాడంటే నాగబాబు "పోలీసాఫీసరేమో??" అనుకున్నాన్నేను. కానీ అదే ట్విస్ట్.... నాగ బాబు తను పనిచేసే న్యూస్ పేపర్లో విలన్ చరిత్ర ప్రచురించడానికి అంతకు తెగిస్తాడు. విలన్ కి అసలు విషయం తెలిసిపోయి అందర్నీ చంపేసి ఆధారాలు పట్రమ్మని మనుషుల్ని రఘురాం ఇంటికి పంపిస్తాడు. భార్య, కూతురు తప్పిమ్చుకొని పడవెక్కేయగా, రఘురాం, కొడుకు రాజారాం విలన్లకి దొరికేస్తారు. "దేశం కోసం చెడుపక్కనే తిరుగుతూ మంచి కోసం పని చేసిన" రఘురాం ని కొడుకు కళ్ళముందే చంపేస్తాడు విలన్. కోపమొచ్చిన పిల్లాడు చాకచక్యంగా పక్కవిలనీయుడి కత్తి తీసుకొని తెగువగా ఒకడ్ని చేతి మీద పొడిచేసీ తెలివిగా తప్పించుకొని ధైర్యంగా పారిపోతాడు (అంత మంది రౌడీలని తప్పిమ్చుకొని ఎలా పారిపోయాడూ? అని అడగొద్దు. అదో మిస్టరీ). అమ్మ, చెల్లి ఎక్కిన పడవ దగ్గరకి వెళ్ళేసరికీ, విలన్ గ్రూప్ లో ఒక గోవిందం ఆ పడవ మీద బాంబ్ వేసేయడంతో పడవ పేలిపోద్ది. 

ఆ రోజు రాత్రి విచారం తో వర్షం లో కూర్చొని పగతో రగిలిపోతున్న బాలషాడో రాజారాం కి ఒక రౌడీ బ్యాచ్ చేత తరుముకు రాబడిన కొందరు పిల్లలు, ఒక ముసలి ముసల్మాన్ (నాజర్) పరిచయమవుతారు. వాళ్ళని కాపాడడానికి రౌడీ బ్యాచ్ ని పిచ్చకొట్టుడు కొట్టేస్తాడు పిల్లషాడో. ఒక ఎలిమెంటరీ స్కూల్కెళ్ళే కుర్రోడు అంతమంది రౌడీలని ఎలా కొట్టేసేడూ? అనే డౌటు మీకొస్తుందని నాకు తెలుసు. మీరో బేసిక్ పాయింట్ మరిచిపోతున్నారు... "ఈ సినిమా డైరెక్టర్ మెహర్ రమేష్".
బాలా షాడో కధ విన్న  నాజర్ "నీ ఆశయానికి తగినట్టూ నేను నిన్ను పెంచుతాను" అని మంగమ్మ శపధం చేస్తాడు.

కట్ చేస్తే....
ఇరవై యేళ్ళ తర్వాత....మలేషియా లో...!

నాజర్ ముసలోడవుతాడు. పెంచిన మగ పిల్లలు గాడిదల్లా ఎదుగుతారు. ఆడ పిల్ల కత్తిలాంటి ఫిగర్ గా రూపాంతరం చెంది పొట్టి బట్టలేసుకొని పోష్ గా తిరుగుతా ఉంటాది. వీళ్ళంతా షాడో తో కలిసి మలేషియా లో పాతుకుపోయిన విలనీ బ్యాచ్ ని చంపెయ్యడానికి ప్లాన్లు గీస్తూ, గూగుల్ మేప్లు, డాన్ల ఫోటోలూ గోడమీద అతికించుకొని లోక కళ్యాణం కోసం తపిస్తూ ఉంటారు. హీరో ఇంట్రడక్షన్ సాంగ్ కి ముందు ఫైట్ ఉండాలి కాబట్టీ సిల్లీ గా ఒక మాస్టర్ ప్లేన్ వేసీ ఫైట్ చేసీ ఒక డాన్ అసిస్టెంట్ ని చంపేస్తాడు షాడో.

ఇప్పుడు పాట....!!

డీడబడీడబడీడబ డబడబడబడబడబడబ యముడికి మనవడు షాడో......!!


ఈ పాటలో పావు మీటరు గుడ్డ ఒంటిమీద వేసుకున్న ఫారిన్ ఫిగర్స్ + షాడో బ్యాచ్ లోని స్వదేశీ లేడీ ఒళ్ళు విరుచుకొని అరుస్తూ ఉండగా... పాత బట్టలు ఒంటి మీదేసుకున్న గంగిరెద్దు లాగా షాడో తలాడిస్తూ ముందుకీ వెనకకీ తూలతా ఉంటాడు.

పాటయిపోయాక, సందట్లో సడేమియా లాగా డాక్టరు హీరోయిన్ తాప్సీ (గ్లామర్ ప్యాకేజ్ లో భాగం), ఆళ్ల చీపు డాక్టరు ఎమ్మ్సెస్ నారాయణ (కుళ్ళు కామెడీ ప్యాకేజ్.. ఒన్ మేన్ ఆర్మీ), సైలెంట్ స్టార్ శ్రీకాంతు (యాక్షన్ + సెంటిమెంట్ + ఆటలో అరిటిపండు పాకేజ్ లో భాగం) మలేషియా ఎంటరవుతారు. నెత్తి మీద కాకి గూడు పెట్టిందేమో అన్నట్టు ఉండే తాప్సీ కీ అందగాడైన తింగరి సుబ్బరాజు కాకుండా ముసలి కోతికి మేకప్పేసినట్టు ఉన్న గెడ్డం హీరో హ్యాండ్సమ్ గా ఉన్నాడని భ్రమించి ప్రేమించేస్తుంది.

పోలీస్ స్టేషన్ లో ఐపీయల్ మ్యాచులు చూస్తూ టైంపాస్ చేసే టాలెంట్ ఉన్న తెలుగోళ్ళకి పోలీసుజ్జోగం ఇచ్చిన మలేషియా పోలీస్ డిపార్ట్మెంట్ కి సహాయం గా పుడింగి పోలీసాఫీసర్ శ్రీకాంత్ వస్తాడు మాఫియా డాన్లని పట్టుకోడానికి. తీరా చూస్తే మన షాడో ఒక్కో విలన్ నీ మెదడు మోకాల్లో ఉండగా వచ్చిన ఐడియాలతో చంపేస్తూ ఉంటాడు. అసలు అడివి మనిషి గెటప్ లో వెంకీ బాబు అరెస్ట్ అయ్యి, తను లాకప్ లో ఉండి బయట తిరుగుతున్న పోలీసుని లోపలకి లాగి తన ప్లేస్లో పడుకోబెట్టి, మర్డర్ చేసి తప్పించుకునే సీన్ చూసి తీరాలి. రమేషుడి దర్శకపిత్వానికి జేజేలు కొట్టాలి. ఆ తర్వాత పు.పో ఆఫీసర్ తను వచ్చిన పని మరిచిపోయి, అసలు విలనీయులని గాలికొదిలేసి, ఐఫోన్ అప్లికేషన్స్ తో గన్ షూటింగ్ చేసి మర్డర్లు చేస్తున్న షాడోని పట్టుకోడానికి వెంట పడతాడు. ఆ చేజింగులలో షాడో కి ఏక్సిడేంట్ అయ్యి తల వెనక భాగం లో  దెబ్బ తగిలి నుదుటి నుండి రక్తం వస్తుంది. చిన్నమెదడు లో స్టోరేజ్ ఏరియా లో రక్తం గడ్డ కట్టడం వల్ల వెంకీ గతం మరిచి పోయి పిచ్చోడయిపోతాడు. (యెస్.. .మీరు చదివింది కరెక్టే)

పిచ్చోడంటే పూర్తి స్థాయి పిచ్చోడు కాదు. స్వాతి ముత్యం సినిమా లో కమల్ హాసన్ ( ఆ రేంజ్ సీన్స్ ఉంటాయి అని చెప్పి ఒప్పించి ఉంటాడు రమేషు) లాగా చిన్నపిల్లోడి లా నంగి గా మాట్లాడుతూ అందర్నీ అంకుల్ అని పిలుస్తూ, తాప్సీని ఆంటీ అని పిలుస్తూ అమాయక కామెడీ పేరుతో ఊచకోత కోస్తాడు. కంత్రీ, బిల్లా, గబ్బర్ సింగ్ మొదలగు సినిమా పేరడీలూ, గబ్బర్ సింగ్ గెటప్ లో బాబు చేసే అంత్యాక్షరీ సీన్లూ, "అవి వీటికి పేరడీ సీన్లు సుమా" అని చెప్పడానికి ఒరిజినల్ సినిమాల్లోని సీన్లూ తెరమీద కదులుతూ తెర చించెయ్యాలన్న బలమైన కోరికని కలిగించడమే కాక డైరెక్టర్ని పీక కొరికి రక్తం తాగెయ్యాలన్నంత కసిని ప్రేక్షకుల గుండెల్లో కలిగిస్తాయి.

ఇంటర్వెల్ కి పావుగంట టైం ఉందనగా Ipad లో HD Quality తో తన భార్య తో వీడియో చాట్ చేస్తుంటాడు శ్రీకాంత్. వీడియో చాట్లో శ్రీకాంత్ అత్తగారిని చూసిన షాడో కి విపరీతమైన తలనొప్పి వచ్చి గతం గుర్తొచ్చేస్తుంది. ఎందుకంటే ఆవిడెవరో కాదు షాడో తల్లి. శ్రీకాంత్ స్వయానా తన బావ. అందేంటీ షాడో తల్లీ, చెల్లీ పడవలో బాంబ్ పేలి చనిపోయారు కదా? అన్న డౌట్ మెదడు మోకాల్లో ఉన్నోళ్ళకి కూడా వస్తుంది. అక్కడే పాలలో ఉప్పేసారు. పచ్చట్లో పులుసేసారు. బాంబ్ పేలడానికి కొన్ని సెకన్ల ముందే వాళ్ళు నీట్లోకి దూకేసి తప్పించేసుకుంటారు. (మహానుభావా... మెహర్ రమేషా... తుసీ గ్రేట్ హో)

షాడో చిన్నప్పుడు కత్తి తో పొడిచిన విలన్ ని చంపుతూ...
"పగతో పెరిగాను.. కోపంతో రగిలాను. ఇన్నాళ్ళూ తిరిగి తిరిగి.. దేశాలు వెతికి వెతికి, నీ వైపే దూసుకొస్తున్న చావుని నేనే రా... షాడోఓఓఓఓఓఓఓఓఓఓ.
భయం ఎంత భయంకరంగా భయపెడతాదో చూస్తావా??" అని ఒక పొడుగు డైలాగ్ చెప్పేసి తల్లి, చెల్లిలని చూడటానికి ఇండియా వచ్చేస్తాడు. ఫస్టాఫ్ లోనే మెయిన్ విలన్ ని తప్ప అందరినీ చంపేసిన షాడో కి సెకండ్ హాఫ్ లో చంపడానికి విలన్లే ఉండరు.

ఇక్కడే రమేష్ లోని క్రియేటివ్ రైటర్ నిద్రలేచి కళ్ళు నులుముకొని మొహం కడుక్కొని రెడీ అయ్యాడు. దెబ్బకి సెకండ్ హాఫ్ సాగదీయడానికి స్టోరీ రెడీ అయిపోయింది. షాడో తండ్రిని చంపినట్టే , వాళ్ల మావయ్యని కూడా చంపేస్తారు మరికొంత మంది హైదరాబాదీ విలన్స్. వీళ్ళు కూడా మెయిన్ విలన్ కి అసిస్టెంట్స్ అన్నమాట. ఇక షాడో వేట క్లైమాక్స్ వరకూ సాగి మన దుంప తెంచేస్తుంది. మెయిన్ విలన్ చచ్చే టైంకి టికెట్ కొనుక్కొని ఏసీ నరకం లోకి ఎంటరయిన దౌర్భాగ్యులకి జీవితం మీద విరక్తి వచ్చేసి, ముందు సీట్ కేసి తలకొట్టుకొని చచ్చిపోవాలని కోరిక పుట్టినా గానీ ఓపిక లేక మిన్నకుండిపోతారు.

టూకీగా ఇదీ స్టోరీ...ఇంత కంటే వివరంగా స్టోరీ చెప్పి పాపం మూట కట్టుకోవటం నాకిష్టం లేదు కాబట్టీ చెప్పట్లేదు.  ఇప్పుడు కొన్ని హైలైట్స్ చెప్పుకొని ఆనందిద్దాం.


మ్యూజిక్ :  పెళ్ళిళ్ళకీ, దినాలకీ బ్యాండ్ మేళం వాయించినట్టు వాయించొదిలాడు తమన్ బాబు. టైటిల్ సాంగ్ మాత్రం బాగుంది (ఎక్కడ నుండి కొట్టుకొచ్చాడో మరి). ఇక బ్యాక్ గ్రౌండ్ మ్యూజిక్ విషయానికొస్తే స్టీల్ సామాను గచ్చు మీద పడేసి అదే టైం లో "షా..డో.. షాడోఓ..." అని అరిపించి అదరగొట్టాడు.
ముఖ్యంగా "ఏయ్ ఐతలకా..ఉస్క్ లకా..తద్దినకా జజ్జనకా డంకనకా జింకుచికా హోయ్" అనే పల్లవి తో మొదలయ్యే పాట సాహిత్యం, పిక్చరైజేషన్... మహాద్భుతం.

హీరోయిన్ః హీరో కి హీరోయిన్ ఉండాలి కాబట్టీ హీరోయిన్ క్యారెక్టర్ ఉంది. పాటల్లో తక్కువ కాస్ట్యూమ్స్ వాడి బడ్జెట్ తగ్గించాలి కాబట్టీ తాప్సీ ఉంది. ఇంకో అడ్వాంటేజ్ ఏంటంటే తాప్సీ అయితే ఐటెం సాంగ్స్ కి కూడా సరిపోద్ది కాబట్టీ ఖర్చు కలిసొస్తాది.
ఇక ఆ పాటల్లో కుక్కల చింపిన విస్తరిని ఒంటికి కట్టుకున్నట్టూ ఉన్న ఆ బట్టలూ, ఆ కాకిగూడు లాంటి హెయిర్ స్టైల్సూ చూసి భరించి బాధపడాలి గానీ మాటల్లో చెప్పటం కష్టం బాబా..!!

 


అన్నట్టు ఒక అరాచకపు సీన్ చెప్పాలి. అబ్బో ఇది హైలైటు.

తలకి దెబ్బ తగిలి స్పృహ కోల్పోయిన షాడో కి ఫస్ట్ ఎయిడ్ చేస్తుంది డాక్టర్ తాప్సీ. సాధారణం గా ఇలాంటి కేసుల్లో తలకి కట్టుకడతారు లేకపొతే గుండు చేసి కుట్లేస్తారు. "కానీ హీరో కి గెడ్డం గీసి, హెయిర్ కట్ చేస్తుంది" ఇదేం చోద్యమో...!!!!!!
నాయనా రమేషా... నీ దర్శకత్వ పటిమ కీ, నీ స్క్రిప్ట్ రైటింగ్ స్కిల్స్ కీ తల వంచి సలాములు చేస్తున్నాను తండ్రీ.

హైలైట్ సీన్స్ః  1.    గణేశ్ నిమజ్జనం జరుగుతూ ఉంటాది. విలనీయుడిలో ఒకడైన పోలీస్ కమీషనర్ కి జనాల్లో "నాగ బాబు" (చనిపోయిన షాడో బాబు) కనిపిస్తాడు. ఇరవై యేళ్ల క్రితం చనిపోయిన "రఘురాం" ఎలా బతికొచ్చాడా? అని ఆశ్చర్య పోతాడు తెరమీది పోలీసోడు.
సినిమా బిగినింగ్ లో చనిపోయిన నాగబాబు బతికొచ్చాడా? అని తెరముందు అవాక్కయ్యాను నేను. హీరో అమ్మ, చెల్లి బతికున్నట్టే వీడు కూడా బతికున్నాడేమో??  అన్ని సార్లు ఇనపరాడ్ తో కొట్టి, గుండెల్లో కాల్చి, తల మీద షూట్ చేశాక ఎలా బతికుంటాడూ?? ఏమో ఈ కంత్రీ డైరెక్టర్ సినిమా లో ఏదయినా సాధ్యమే సుమీ. ఒక వేళ బతికుంటే పాపం తన వాళ్ళని చంపారనుకొని హీరో షాడో అవతారం ఎత్తి అన్యాయంగా మాఫియా డాన్లని చంపేస్తున్నాడే అని బాధ పడ్డాను. నా కోడి మెదడు లో సవాలక్ష సందేహాలు.
ఇంతలో నాగబాబు అక్కడ నుండి పరిగెడతాడు. పోలీసాఫీసరు వెంబడిస్తాడు. ఒక నిర్జన ప్రదేశానికి వెళ్ళాక నాగబాబు ఆగి వెనక్కి తిరుగుతాడు. "అది ఆ పోలీసోడి భ్రమ కాదు. నిజంగా నాగబాబే. ఓర్నాయనోయ్... వీడెలా బతికొచ్చేసాడ్రా దేవుడోయ్.." అని నేను ఆశ్చర్యపోతుండగా నాగబాబు తన మొహం మీది మాస్క్ తీసేస్తాడు. పొడుగు జుత్తున్న నాగబాబు, పొట్టి జుట్టున్న వెంకటేష్ బాబు లా మారిపోతాడు. ఆ...హా ఏమి ట్విస్ట్ రాజా...??  ఇక ఆ తర్వాత వేల మంది జనాల మధ్య పోలీసాఫీసర్ని షాడో కత్తి తో పొడిచి చంపేస్తాడు. అంత మంది జనం లో తాప్సీ, ఎమ్మెస్ నారాయణ తప్ప అక్కడున్న జనంగానీ, ఒక్క పోలీసోడు గానీ చూడరు. అసలు పట్టించుకోరు.

2. మలేషియా లో షాడో - పోలీసుల మధ్య చేజింగ్ జరుగుతూ ఉంటాది. అందులో హీరో ఎనకాల వచ్చే పోలీసు కార్లు గార్లో ఎగరడం కోసం విశాలమైన మలేషియా రోడ్ మధ్యలో రెండు మీటర్ల పొడవైన "ఇండియన్ స్టైల్" డివైడర్ ని అత్యంత నాసిరకం గా పెట్టిన డైరెక్టర్ సారు అతి తెలివితేటలని చూస్తుంటే ఎంత ముచ్చటేస్తుందో..!

3. తెలుగు హీరోల్లో "నటుల" వర్గానికి చెందిన అతి కొద్ది మందిలో ఉన్న వెంకటేషు లోని "భరించలేని" నటవిపరీతాన్ని తోడిన డైరెట్రు ఓ కొత్త విలన్ నీ, పదుల సంఖ్యలో విలన్లనీ, ఆర్టిస్టులనీ, గెస్ట్ అప్పీరెన్స్ లో "సుమన్" నీ వాడిన తీరుకీ, ఓ పెద్ద హీరో చేత పవన్ అంకుల్, మహేష్ అంకుల్, ఏన్టీఆర్ అంకుల్, చరణ్ అన్న అని పదే పదే జపం చేయించి పరువు తీసేసిన విధానానికీ, కుదిరితే కాలు మీదో, కుదరకపోతే నెత్తి మీదో కొబ్బరికాయ కొట్టి ఆ నీళ్ళు నెత్తిన జల్లుకోవాల.

4. ఒకే ఒక్క ఫోన్ కాల్తో హీరో మిమిక్రీ చేసి హోం మినిస్టర్ ని బురిడీ కొట్టించి వాడుకునే సీన్ల పరంపర.. వాటి నుండి పుట్టించిన అద్బుత కితకితల కామెడీ.. హిష్షోఓఓఓఓఓఓఓఓ.....!!!!!!!


స్వామీ... హే రమేషా.... ఏమి నీ లీలలు తండ్రీ..!! తెలుగు సినిమాలు చూస్తున్నోళ్ళు ఓ మాదిరిగా కూడా కనిపించట్లేదా?

5. మూడుగంటలు మానసిక క్షోభ అనుభవించీ, రక్త కన్నీరు కార్చీ, బాధని పంటి బిగువున భరించిన పిమ్మట "హమ్మయ్యా..అయిపోయిందిరా దేవుడా" అనుకున్న టైం లో
మె.రమేష్ నల్ల కళ్ళజోడు పెట్టుకొనొచ్చి... అక్కడికేదో దేశాన్ని ఉద్ధరించే సినిమా తీసేసినట్టూ "డీడబడీడబ డబడడబడడబడ షాడో" అని అరుస్తూ ఊగిపోతుంటే నా ఫీలింగ్ చెప్పడానికి మాటలు రావట్లేదు.

కధ - డైలాగులుః " పగ బాబాయ్.. పగ.. నా తండ్రినీ, తల్లినీ, చెల్లినీ తమ్ముడినీ.............etc చంపిన ఆ దుర్మార్గులంటే నాకు పగ బాబాయ్ పగ" అనే లైన్ తో రొట్ట స్టోరీని, ప్రాస తో కూడిన పకోడీ డైలాగులతో రచించిన శ్రీ కో. వెంకట్, గో. మోహన్ గార్లకీ, ఎక్కడ సినిమా పొరపాటున హిట్టయిపోయి క్రెడిట్ వాళ్లకి పోతుందో అన్న భయం తో మధ్యలో తన పైత్యపు పెన్ పెట్టి కెలికేసి "కధ మాటలు దర్శకత్వం" కార్డేసుకున్న మె.రమేష్ లకి నా సాష్టాంగ ప్రణామాలు. సహస్ర కోటి అభివందనాలు.

"మీరు కొడితే పోకిరిలో మహేష్ బాబు లా మైండ్ బ్లాక్ అయిపోద్దనుకుంటే... వీడి మైండ్ బ్లాంక్ అయిపోయిందేంటీ?"
"మా వాడికి నీ అడ్రస్ తెలిస్తే.. నువ్ అడ్రస్ లేకుండా పోతావ్"
"ఎవడి మీదన్నా చేయ్యేసే ముందు, చెయ్యేస్తే ఎవడోస్తాడో ఆలోచించాలి"

ప్రాస కోసం ప్రాణాలు తీసేస్తారా సార్ మీరూ??
రైమింగ్ బాగుంటే రాసిపారేస్తారా అయ్యోర్లూ??

మీ పంచ్ డైలాగులు నాలోని రచయితని నిద్రలేపాయి. మీ నెక్స్ట్ సినిమాల్లో వాడుకోండి సార్లూ. వాడుకున్నోళ్లకి వాడుకున్నంత.

"పేడని ముట్టుకోలేవు.. ముక్కుకి పెట్టుకోలేవు... ఆ వాసన తట్టుకోలేవ్.... అదొక హిస్టరీ... మీరంతా తినబోయేదీ... పేస్ట్రీ.....!!!"
 "అడ్రెస్ చెప్పరా... డ్రెస్సేసుకొని వస్తానూ..గుమ్మం లోకొచ్చి కొట్టానంటే ఖమ్మం లో పడతావు"

"అరిచేత్తో కొట్టేనంటే అరిచే చాన్స్ కూడా ఉండదు."

"నేను పిన్ను పీకేసిన బాంబు లాంటోణ్ణీ... పేలే ముందు ఇలాగే సైలెంట్ గా ఉంటా"

"నిన్ను కట్ చెయ్యడానికి నేను టచ్ చెయ్యక్కర్లేదురా... పంచ్ ఏస్తే చాలు"
"పదునెక్కిన కొడవలీ..పిచ్చెక్కిన నేనూ చాలా ప్రమాదకరం"
"నా ఆశయం కోసం అడ్డంగా నరికేస్తా... ఎదురొచ్చినోడిని నిలువుగా చీరేస్తా "
"నా కోపం బ్రేకుల్లేని కారు లాంటిది డామేజ్ జరిగాకే ఆగేది"
"డిక్షన్ లేని వాడి ఏక్షన్లకి నా రియాక్షన్ ఇలాగే ఫ్రిక్షన్ తో కనెక్షన్ కట్టయ్యేలా ఉంటుంది" (అబా బ్బా.. ఏమి రైమింగూ..)
"షాడో తో పెట్టుకోవద్దు.. మాడు పగిలిపోద్ది"
"ఎగిరి తన్నానంటే ఆకాశం లోకీ, దుమికి తొక్కానంటే పాతాళానికీ పోతావ్రా"
"వేలెడంతే ఉన్నానని వీజీగా తీసుకోవద్దురా... సానబెట్టిన గొడ్డలి కన్నా తుప్పట్టిన పిన్నీసే డేంజరస్"
"నే తలచుకుంటే గాడిద చేత గుడ్డు పెట్టిస్తా.. బ్రాయిలర్ కోడితో పొదిగిస్తా....నీ ఆత్మ చేత నిన్నే చంపిస్తా"

.

.ఇలాంటివి బోల్డు చెప్తా..!

రమేషుడి తరువాతి సినిమాకోసం ఆతృత గా సిగ్గులేకుండా ఎదురు చూస్తూ....!!!!!

జై హింద్.

గబ్బర్ సింగ్.. లెక్క సరిపెట్టేశాడు..!

ముఖ్య గమనిక:  ఇది ఒక పవన్ పిచ్చోడు, పవన్ పిచ్చోళ్లకి  రొటీన్, వెరైటీ, హైలైట్స్, డ్రాబ్యాక్స్, హిట్టూ, ఫ్లాప్, కలెక్షనలూ, రికార్డులూ, సందేశాలూ, వెర్రి వేషాలూ, విమర్శలూ, విశ్లేషణలూ వీటన్నిటికీ అతీతం గా చెప్తున్న అంతరంగం. పంచుకుంటున్న ఆనందం.

ఇప్పటికే చాలా రివ్యూలు చదివేసుంటారు. చాలామంది సినిమా చూసేసుంటారు. కాబట్టీ రివ్యూ రాయాల్సిన అవసరం లేదు. కానీ  సాటి పవన్ వీరాభిమాని అయిన బద్రి కి ఇచ్చిన మాట కోసం కొన్ని సంవత్సరాలుగా మాగన్ను వేసి నిద్రపోతున్న నా లోని పవన్ పిచ్చోడిని లేపి డ్యాన్స్ వేయించాను ఈరోజు.

గబ్బర్ సింగ్.... దబాంగ్ రిమేక్.... అదీ హరీష్ శంకర్ అనే చిన్న డైరెక్టర్ తో  అనగానే పెదవి విరిచేసిన వాళ్లలో
నేనూ ఉన్నాను. నేను స్కూల్ కి వెళుతున్న రోజుల్లో సూపర్ హిట్టూ, జాబ్ కొట్టిన కొత్తలో జస్ట్ హిట్టూ, గత మూడు సినిమాలూ అట్టర్ ఫట్టూ కొట్టిన పవన్ కళ్యాణ్, ఆ చోటా డైరెక్టర్ కలిసీ పాతాళం లో ఉన్న అంచనాలని, పర్వత శిఖరం మీదకి తీసుకెళ్ళి ఆకలితో ఉన్న అభిమానులకి విస్తరాకులేసి విందుభోజనం పెడతారని ఊహించలేదు.

చిన్న..ట్రైలర్ ఇస్తా....

గ... బ్బ....ర్... సిం....గ్.. అని తుపాకీ పేలుతూ ఒక్కో అక్షరం వస్తుంటే ఎలా ఉంటుందీ??
రక రకాల గన్స్ బ్యాక్ గ్రౌండ్ లో వస్తుండగా..టైటిల్స్ పడితే ఎలా ఉంటుందీ??
పదేళ్ల కుర్రాడు... మెడ మీద కుడి చేత్తో రాసుకుంటూ, మత్తు గా, పొగరు గా చూస్తుంటే ఎలా ఉంటుందీ??

"ఆ పసివాడు.... "పవన్ కళ్యాణ్" అయ్యాడు"  అని టైటిల్ వేసిన డైరెక్టర్ తీసిన సినిమా ఎలా ఉంటుందీ?

వెయ్యి మంది మొహాల్లో వెలుగుని ఒక్క సారే చూశారా??? ఎప్పుడయినా?? నేను చూశానీ రోజు.
రెండు వేల కళ్ళు వెండితెరకి లాక్ అయిపోవటం చూశారా??
మా ఎదురు చూపులు ఇందుకే.. మాక్కావల్సిందిదే అని గుండెల్లోంచొచ్చిన పిచ్చి అరుపులతో చెప్పటం ???
ఎమోషనల్ సీన్ కి పెరిగిన చాతీ,
కామెడీ  కి విరిసిన నవ్వూ,
ఫైట్ కి బిగుసుకున్న పిడికిలీ
ఉద్వేగంగా తీసుకున్న ఊపిరీ..
సెంటిమెంట్ కి తడిసిన కన్నూ
డ్యాన్స్ కి ఊపిన కాలూ
పాటకి కలిపిన గొంతూ..

వీటన్నిటినీ ఏకైక కారణం.............. ఒన్ & ఓన్లీ పవర్ స్టార్ పవన్ కళ్యాణ్ In & As

గబ్బర్ సింగ్...

ఒక్కమాటలో చెప్పాలంటే.. ఒక పవన్ అభిమాని పవన్ సినిమాని డైరెక్ట్ చేస్తే ఎలా ఉంటుందో అలాగే ఉంది.  ఒక పవన్ అభిమాని తనకి కావల్సినవన్నీ చెప్పి, పవన్ చేత చేయించుకుంటే ఎలా ఉంటుందో అలాగే ఉంది.
రెండున్నర గంటలు నాన్ స్టాప్ గా అరుపులూ, కేకలూ, చిరిగిపోతున్న చొక్కాలూ, ఎగిరిపోతున్నా కాగితం ముక్కలూ, చప్పట్లూ, నవ్వులూ, గెంతులూ, మొదలైన వాటితో ధియేటర్ దద్దరిల్లింది.

సాధారణం గా రీమేక్ సినిమాలకి రెండు రకాల కమెంట్స్ వస్తాయ్.

౧. సినిమా ఒరిజినల్ లాగా నే ఉంటే... "మక్కీ కి మక్కీ దించేశాడ్రా" అంటారు.
౨. మార్పులు చేస్తే... "చేంజెస్ చేసి ఒరిజినల్ ఫీల్ చెడగొట్టాడ్రా.. ఒరిజినల్ సినిమానే బాగుంది" అంటారు.

దేన్ని సపోర్ట్ చేయాలి??  ఏది కరెక్ట్??? దీనికి ఆన్సర్ తెలీదు నాకు.  అక్కర్లేదు కూడా.
ప్రేక్షకులకి నచ్చిందా లేదా? ఎంటర్టైన్మెంట్ ఇచ్చిందా లేదా? అన్నదే ముఖ్యం అనుకుంటాను.

రివ్యూల్లో చాలా మంది రాసినట్టూ సెకండ్ హాఫ్ తగ్గినట్టూ, స్లో అయినట్టూ అయితే నాకు అనిపించలేదు. హీరోయిన్ కూడా బాగానే ఉంది. అయితే వాయిస్ కొంచేం సింక్ అవ్వకపోవటం, గాయత్రి క్యారెక్టర్, మలైకా ఐటెమ్ సాంగ్(పవన్ రాకముందు) మాత్రమే ఇగ్నోర్ చేయదగ్గ  నెగటివ్ పాయింట్స్ గా అనిపించాయ్.  దబాంగ్ సినిమా తో ఈ సినిమాని పోల్చలేం. మన నేటివిటీ కి తగినట్టూ, పవన్ చుట్టూ కధ తిరిగేట్టూ చేసి ఫైనల్గా ఎంటర్టైన్ మెంట్ ఇస్తూ
మాటలు - మార్పులు - దర్శకత్వం అని సగర్వం గా కార్డ్ వేసుకున్న హరీష్ శంకర్ కి హ్యాట్సాఫ్ చెప్పాలి.


సినిమా లో పవన్ డ్యాన్స్ సూపర్ అని టాకొచ్చింది. నిజానికి అది పెద్ద డ్యాన్సేం కాదు. కానీ ఒకటి చెప్పాలి

చిరంజీవి డ్యాన్స్ చూడ్డానికి జనం వెళ్ళేవాళ్ళు.
అల్లు అర్జున్, జూ.ఎన్టీఆర్, చరణ్ లు మెలికలు తిరిగి ఒళ్ళు హూనం చేసుకొని డాన్స్ ఇరగదీస్తే చూస్తారు.

కానీ పవన్ కళ్యాన్ డ్యాన్స్ చెయ్యడానికి ట్రై చేసినా చాలు మళ్ళీ మళ్ళీ చూసే పిచ్చోళ్ళున్నారు.  ఆ పిచ్చోళ్ళలోనేనూ ఉన్నాను ;) ;)


తక్కిన సినిమా అంతా... కెవ్వ్వ్వ్వ్వ్వ్వ్వ్వ్వ్వ్వ్వ్వ్వ్వ్వ్వ్.. కేకా.. నా సామి రంగా కెవ్వ్వ్వ్వ్వ్వ్వ్వ్వ్వ్వ్ కేక...

డైలాగ్స్... మీకోసం..... సినిమా చూడని వాళ్ళూ, చూద్దాం అనుకుంటున్న వాళ్ళూ చదవద్దని మనవి. థ్రిల్ పోతుంది. ;)

పేరు, గోత్రం చెప్పడానికి నేను గుడికొచ్చానేంట్రా.. ఇక్కడ తెలుసుకోడాలు లేవు. తేల్చుకోడాలే
నేను హీరోని కాను విలన్. తప్పు చేసే ప్రతీ పకోడీ గాడూ హీరోలా ఫీలవుతుంటే, తప్పు చేసే వాళ్ల తుక్కు రేగ్గొట్టే నేను విలన్ గానే ఫీలవుతా.


మా మీద ఈగ వాలనివ్వరా సార్?
ఈగ వాలితే మీరు చూసుకోండీ. మిగతావి ఏమి వాలినా నేను చూస్కుంటా

బాల గబ్బర్ సింగ్ః ఈ రోజు నేన్ చిన్నపిల్లాణ్ణీ, మీరు పెద్దవాళ్ళు కాబట్టీ పారిపోతున్నా... పెద్దయ్యాక మళ్ళీ వస్తా.... పరిగెట్టిస్తా...

ఎప్పుడో ఒకసారి తాగితే సంతోషం, అప్పుడప్పుడూ తాగితే వ్యసనం, రోజూ తాగితే రోగం

అరెవో సాంబా.... రాస్కో....

చరిత్రలగురించి చెత్తబుట్టలగురించి తెలుసుకోను.

నాకు నేనే పోటీ. నాతో నేనే పోటీ.. నాతో ఎవరూ పోటీకి రారూ.. రాలేరు.

పేరంటం అన్నాక లేడీసూ, పేకాట అన్నాక పోలీసూ రాకుండా ఉండర్రా... ఎవరి తాంబూలం వాళ్ళకి ఇచ్చేయటమే

తపస్సు చేస్తే ప్రత్యక్షమవడానికి నేను దేవుడ్ని కాదు తప్పుచేస్తేమటుకు ఆటోమాటిక్ గా మన దర్శనమైపోద్దిరోయ్..

మూడు ముళ్ళా? ముప్పై గుళ్ళా?

 విలన్ః వీడు మరీ భయపడుతున్నాడు. చంపుతాడంటావా?

భరణిః పెపంచికం లో చాలా మర్డర్లు భయం తో చేసేవేరా సిద్దా..

సుహాసినిః పోతే పోనీ అని వదిలెయ్యడానికీ వాడు పని పిల్లాడు కాదండీ పసి పిల్లాడు

విలన్ : నాకు బిజినెస్ లో భయపడే కస్టమర్లు కావాలి భయపడే పార్టనర్లు కాదు

విలన్ః  నా డబ్బు కొట్టాడు భరించాను. నా పరువు మీద కొట్టాడూ సహించాను. నన్ను అవమానించాడు.. అనుభవించాను

రౌడీలతో కబడ్డీ ఆడుతూ పవన్ః  మీరిటు వస్తే కూత..నేనటు వస్తే కోత. మీరు కూతకొస్తారా... నన్ను కోతకి రమ్మంటారా ?

పవన్ః పోలీసులంటే జనాన్ని భయపెట్టకూడదు రా.. జనం భయం పోగొట్టాలి


మిరపకాయ తెచ్చావా? మిరపకాయ?

మనిషికి తిక్క, పిచ్చి, పొగరు, బలుపు ఏదైనా ఉండొచ్చు. కాని దాని వల్ల ముందుకెళ్తున్నామా? ఎనక్కెళ్తన్నామా అనేది చూసుకోవాలి

భరణిః పోలీసోడు రౌడీలకు శత్రువుకాని రాజకీయ నాయకులకు కాదు మనం ఇపుడిపుడే రాజకీయాల్లోకి ఎంటర్ అవుతున్నాంకదా.. ముందు పలకరించాల తలెగరేస్తే దించాలా తేడా జేస్తే తుంచాల

పవన్ః ఏంట్ర మెడ ఇలాఆఅ గోకేస్తున్నావ్. అంత దూలెక్కిపోయిందా? ఎదవ ఇమిటేషన్లూ నువ్వూనూ


సిగరెట్ మానేయడం అంటే పారేయడం కాదు రా పక్కనుంచుకుని మరీ ఆపేయడం.


అరెఓ.... గబ్బర్ సింగ్ కే ఫౌజో.............. YES SIR


రూల్స్ ఒప్పుకోవురా...... మీరే ఎలాగోలా ఒప్పించెయ్యండి సార్


గబ్బర్ సింగ్ ఒప్పుకుంటే..రూల్స్ తప్పుకుంటాయ్


ఎంత బుజ్జిగా పారిపోతున్నాడురా ..... ఒరే చిట్టితల్లి(పిస్టల్) లాభంలేదు కానీ మహాలక్ష్మి(పెద్దగన్)నివ్వరా


పది మంది కోసం మంచి చేద్దాం అనుకునే వాడిని. పది కాలాలు బతకాలని ఆశీర్వదించమ్మా


కుక్కలు పెంచుకునేది అవతల వాళ్ల మీద మొరగడానికి . మనమీద అరవడానికి కాదు


అవతల వాడు మనల్ని చంపడానికి వచ్చినప్పుడూ మనమ్ చావాలా?చంపాలా? చంపాలీ... అదీ లెక్క.


ఒక అమ్మాయ్ వారం లో పడొచ్చు. ఒక నెలలో పడొచ్చు. ఒక రోజు అయినా, రెండ్రోజులయినా, రెండు సంవత్సరాలయినా అమ్మాయి పడేది మగాడికే రా. అది సృష్టి ధర్మం.



నీ బలుపు, ఆవేశంమ్ మడిచి లోపల పెట్టుకో.. బయటకు రానీయకు. చావటానికి కూడా కంగారే నీకు

"ఉంగరం ఏదిరా?
పాకెట్లో పెట్టాను.
ఏదీ.. చూపించూ.
పడిపోతుందేమో అనీ తాకట్లో పెట్టాను"

నీకు మనుషుల్ని పంపడంతెలుసు.. నాకు మనుషుల్ని చంపడం తెలుసు


ఈ గబ్బర్ సింగ్ స్టేషన్ నుండి పారిపోడమంటే పైకిపోడమే.


అగ్గిపెట్టి గిగ్గిపెట్టి కోడి కొంగ పిల్లి పిరంగ్...

హిందీ సినిమాకి తెలుగు సబ్ టైటిల్స్ లాగా ఆ భాషేంట్రా?

నాకూ అలగ్ అలగ్ ఊర్లకి ట్రాన్స్ఫర్ హై తో మేరా భాషా కిచిడీ కిచిడీ హోగయా 

విలన్ః అది చెప్పడానికి నువ్వెవడ్రా

పవన్ః ఆడు నా ఫాన్.. నేను చెప్పినా ఒక్కటే నా ఫాన్స్ చెప్పినా ఒక్కటే 

ఈ గబ్బర్ సింగ్ కి లంచమా? ఇదే మగాడయితే ఈ పాటికి షూట్ చేసుండే వాణ్ణి.
ఆలీః మరి ఇప్పుడు ఈ అమ్మాయిని ఏం చేస్తారు?
నిన్ను ముందు ఎన్ కౌంటర్ చేసేస్తాను రా శనొదిలిపోతుందీ.

ఆలీః మీరు కొత్తగా వచ్చిన C.I అయితే నేను లేట్ గా వచ్చిన కానిస్టేబుల్ ని
చట్టం తనపని తాను చేసుకుపోతుందీ..(ఇక్కడ అరాచకం గా...)

ఆలీః ఓహో.... గుర్రం, బుల్లెట్టూ, జీపూ.. రోడ్ ని బట్టి వాడతాడా?
కాదు మూడ్ ని బట్టీ వాడతాడు

హీరోయిన్ : ఏవండీ పడిపోయేలా ఉన్నాను...
పవన్: తప్పకుండానండీ నేనాల్రెడీ పడిపోయాను.

 గట్టిగా ఉన్నోళ్ళు ఎడంపక్కకి వెళ్ళండి. పొట్టిగా ఉన్నోళ్ళు కుడి పక్కకి పొండీ.. ఫిట్టు గా ఉన్నోళ్ళూ నా వెనక రండీ.

సుహాసినిః నాయుడు గారిదగ్గర ఆశీర్వాదం తీసుకోరా..
పవన్ః ఇంత విషమియ్యమ్మా తీసుకుంటానూ.

భరణిః నిద్ర రాకపోతే నిద్ర మాత్రలేసుకుందాం, మందేస్కుందాం గానీ, మర్డర్లెందుకురా సిద్దా??
భరణిః  కసి.... మా అల్లుడికీ ప్రజాసేవంటే కసీ.

అప్పుడప్పుడూ భావాలు తన్నుకొచ్చేస్తుంటాయ్. నేను చెప్తూ ఉంటాను నువ్ రాస్కుంటా ఉండూ

ఇలాంటి ఆణిముత్యాలన్ని కలిపి ఒక బుక్కేయిద్దాంరా...

ఆలీ : ఈయనా... ఈయన పైత్యం

పవన్ : ఆ...... టైటిలదేరా "నేనూ నా పైత్యం"

పవన్ః మీరు బందెందుకు చేస్తున్నార్రా?

విలన్ః అసంతృప్తి 

పవన్ః అసంతృప్తి, భావప్రాప్తి అయితే డాక్టర్ దగ్గరకెళ్ళాలి కానీ దానికి మార్కెట్ మీద పడటం ఎందుకు రా?

నేను టైం ని నమ్ముకోను రా.. నా టైమింగ్ నమ్ముతాను

పరిగెట్టలేని పోలిసుల్ని చూసి: దేవుడా మనోళ్ళు ఫైటింగ్ చేయకపోయినా పర్లేదు కనీసం డైటింగ్ చేసేలా చూడుతండ్రీ....

నేను ట్రెండ్ ఫాలో అవ్వనూ... సెట్ చేస్తా.

నా తిక్కేంటో చూపిస్తా.. అందరిలెక్కలూ తేలుస్తా..

పాపులారిటీ పాసింగ్ క్లౌడ్ లాంటిది వాతావారణం వేడెక్కితే వానై కరిగిపోద్ది. మీరు మేఘాల్లాంటోళ్ళు. నేను ఆకాశంలాటోడ్ని  ఉరుమొచ్చినా మెరుపొచ్చినా పిడుగొచ్చినా నేనెప్పుడూ ఒకేలా ఉంటాను.

రావురమేష్ః నువ్వెప్పుడూ ఇలా జోకులేస్తూనే ఉంటావా ?

పవన్ః  అవును సార్ డ్యూటి ఒక్కటే సీరియస్ గా చేస్తాను

పవన్ విలేకర్లతోః మీరు మాట్లాడాలంటే మైకులు ఛానలు ఉంటే చాలు నేను మాట్లాడాలంటే సాక్షాలు, ఆధారాలు కావాలి..

వీడ్ని చంపడం న్యాయం, దీనికి ఎవడడ్డొచ్చినా చావడం ఖాయం.. వీడికోసం చచ్చిపోతారా ? వీడు చచ్చాక బతికి

పోతారా ?

బ్రహ్మిః క్రిమినల్ కి టెర్రర్, క్రైమ్ కి హర్రర్, ఒన్ అండ్ ఓన్లీ గబ్బర్.. గబ్బర్ సింగ్ .. లుక్ అట్ దేర్.. ఒక్క అడుగు ముందుకేసే ముందు ఒక్క క్షణం ఆలోచించండీ.

బ్రహ్మీః  క్యారెక్టర్ లో కంటెంట్ ఉండాలి గానీ కట్ ఔట్ చాలురా

<<<<<<<<<<<  మిత్రులు బద్రీ, వేణూశ్రీకాంత్ గార్లకి అంకితం >>>>>>>>>>>>>>>>>>>

దుమ్ము లేపిన దమ్ము... కానీ నాకు డస్ట్ ఎలర్జీ !

దమ్ము...దామ్.దమ్ దమ్ దమ్.  దమ్మూ....!

యంగ్ టైగర్ NTR, మాస్ మాంత్రికుడు బోయపాటి శీను ల కలయికలో లవ్, ఏక్షన్, సెంటిమెంట్, కామెడీ కలిసి పేరుకు తగ్గట్టూ రూపుదిద్దుకున్న పవర్ ఫుల్ పొట్లాం. "దమ్ము"

బోయపాటి శ్రీను ఒకే రకం సినిమాలు తీసినా గానీ, ఆ జోనర్ లో మాంచి కమాండ్ ఉంది. మాస్ కి ఎక్కేలాగా ఏక్షన్ మూవీస్ తీయటం లో చెయ్యి తిరిగినోడు కాదు కాదు కండలు తిరిగినోడు అని చెప్పాలి.

ఒక యువకుడు రెండు వంశాల మధ్య, తరతరాలుగా జరుగుతున్న గొడవలని, పే...ద్ద గొడవ చేసి ఉన్న గొడవని చిన్నది చేసీ, భయం తోనూ, బాధలతోనూ, రాక్షసుల నీడలో  బ్రతుకుతున్న
ప్రజలకి ధైర్యాన్నిచ్చీ, అడ్డొచ్చిన వాణ్ణి తన దమ్ముతో అడ్డంగా నరికేసీ, చివరికి మిగిలిన వాళ్ళని మార్చీ శాంతి ని ఎలా నెలకొస్పాడు ?? అనేదే ఈ చిత్ర కధాంశం.

నాలోని క్లాసోడుః "ఆగు..  నాన్నా..ఆగు ! వంశాలూ, తరతరాలు గా గొడవలూ, మీసం తిప్పడాలూ, తొడ కొట్టుకోడాలూ నరకుడూ, చివర్లో శాంతి సందేశం.. ఇందులో కొత్తేముందీ?? నేను నిక్కర్లేసుకొని తిరిగినప్పటి నుండీ బొచ్చెడు సినిమాలు చూసేను ఇలాటియ్యి. తులసీ, సింహా కూడా దాదాపు ఇలాగే ఉంటాయ్ కదా?

నా లోని మాసోడుః నువ్వెవర్రా?

నా.క్లాః "నేనేరా.. నీలోని క్లాస్ ప్రేక్షకుడినీ, నీ లోని విమర్శకుడినీ, ఇంకా తెలుగులో మంచి మంచి గొప్ప గొప్ప సినిమాలు ఆశించే అమాయకుడినీ,ఆశావాదినీ... "

నా.మాః  అలా పక్కకెళ్ళి కూర్చో. మాస్ మసాలా దట్టించిన బిర్యానీ తినొచ్చిన ఫీలింగ్ లో ఉన్నానూ. మూడ్ చెడగొట్టమాకు. స్టోరీ కొత్తదా పాతదా? అని కాదు. మనక్కావల్సిన ఎంటర్టైన్మెంట్ దొరికిందా? లేదా?
విజిల్సేసి, అరిపులు అరిచి, చప్పట్లు కొట్టి ఎంజాయ్ చేశామా? లేదా?ఇదే పాయింట్. నా వరకూ ఏంటంటే ఒక సగటు తెలుగు సినిమా ప్రేక్షకుడు ఆశించేవన్నీ ఉన్నాయ్ ఈ సినిమా లో. (నేను చూసినప్పుడు జనాలు సైలెంట్ గానే చూశారనుకో.. అది వేరే విషయం.)
ముఖ్యం గా కీరవాణి అందించిన పాటలూ, మరీ ముఖ్యం గా బ్యాక్ గ్రౌండ్ అత్యధ్భుతంగా ప్రేక్షకులకి పూనకం వచ్చేలాగా ఉంది.(చత్రపతీ, సీతయ్య, మగధీర సినిమాల రేంజ్ లో) రూలర్ పాట ఆడియో లో విన్నంత బాగోక పోయినా, వీడియో శక్తీ సినిమాని గుర్తు తెచ్చినా ,    ఫొటోగ్రఫీ, ఎడిటింగ్, స్క్రీన్ ప్లే, ఫస్టాఫ్ లో కామెడీ, క్లైమాక్స్ లో ట్విస్టులు అన్నీ అమోఘం.

నా.క్లాః "అలా అని  చూసిన కధలే మళ్ళీ మళ్ళీ చూసేస్తామా?"

నా.మాః నచ్చితే, నచ్చేలా తీస్తే ఎన్ని సార్లన్నా చూస్తాం. హిట్ చేస్తాం. ఏం...డాన్ సినిమాని కొంచెం మార్చి మళ్ళీ తీస్తే ఎగేసుకొని ఎల్లిపోయేవ్. మొన్నటికి మొన్న మాయాబజార్ కలర్లో మళ్ళీ తీస్తే అహో..కళాఖండం అన్నావ్?
నిన్నటికి నిన్న లవకుశ సినిమా ని రీమేక్ చేస్తే గొప్ప ప్రయత్నం అన్నావు? టైటానిక్ 3D అనగానే ఆరుకళ్ళెట్టు కొని చూసేశావ్.పాత పాటలు రీమిక్స్ చేస్తుంటే చచ్చినట్టూ వింటున్నావే?? వేరే దిక్కులేక ఎంజాయ్ చేస్తున్నావే??

నా.క్లాః "అమంగళం అదేదో అవుగాకా... ఓరీ.. పాపాత్ముడా.. మాయాబజార్ సినిమా తో పోలుస్తావా? పోతావ్రారేయ్.."

నా.మాః అదే మరీ..! నీకు నచ్చిన సినిమాని క్లాసిక్ అంటావు. జనం మెచ్చిన సినిమాని నాసిరకం అంటావు. జనాలు ఎదగలేదంటావు. సినిమాలు చూడటం రాదంటావు. అన్యాయం గా లేదూ?? ఎక్కువ మంది జనాలు మెచ్చేదీ, లాభాలు తెచ్చేదే గొప్ప సినిమా. అది గుర్తుంచుకో.
ఇక సినిమా విషయానికొస్తే NTR గురించి కొత్తగా చెప్పేదేముందీ? నటనా, ఫైట్లూ, డ్యాన్స్లులూ కుమ్మి అవతల పారేశాడు. ఎమోషనల్ సీన్స్ చెయ్యటం లో ఇప్పుడున్న కుర్రోళ్ల లో బుడ్డోడి తర్వాతే ఎవరయినా.
కోర మీసాల గెటప్ కూడా అరుపులు. డైలాగులు పిడుగులు.

నా.క్లాః "NTR టాలెంట్ కి తగిన సినిమాలు చెయ్యటం లేదు. మంచి ఆర్టిస్ట్ చేత చెత్తంతా చేయిస్తున్నారు. అతని టాలెంట్ వేస్ట్ చేస్తున్నారు పాపం"

నా.మాః ఆపరా సామీ..నీ ఓదార్పు యాత్ర.  ఇప్పటి వరకూ తను చేసిన క్యారెక్టర్లన్నీ ఇలాంటివే కదా. వాటిని చూసే కదా "టాలెంటెడ్ ఆర్టిస్ట్" అని తెలుసుకున్నావ్? మరి జనాలకి నచ్చిన ఇవి  కాకుండా కొత్తగా ఇంకేం చెయ్యాలని నీ ఎదవ గోలా?? సినిమా లో ఇద్దరు హీరోయిన్స్. త్రిష, కార్తీక. పిచ్చెక్కించార్లే. ఈ ఇద్దరి హీరోయిన్ల తోటీ ఐటెం సాంగ్స్ ఉంటాయ్ గురూఊఊఊఒ... కేకలే. ఒక పాటలో అయితే నలుగురు హీరోయిన్లూ. అది ఒక నాట్య విపరీతం అని చెప్పొచ్చు.హీరోయిన్ల కి ఏక్టింగ్ వస్తే ఏంటీ? చేస్తే ఏంటీ? పొట్టి బట్టలేసుకొని పాటల్లో గెంతారా? లేదా? అది చాలు.

నా.క్లాః "త్రిష, NTR పక్కన పెద్దదన్లా కనిపించ లేదూ?? మర్రి చెట్టు తాటి చెట్టంత ఎదిగిందా అన్నట్టుండే ఆ కార్తీకని ఎందుకు సెలక్ట్ చేసుకున్నారో అసలర్ధం కావట్లేదు. పైగా ఎవరో లేపి నించోబెట్టినట్టూ పైగా వంకర చూపులూ, తింగర చేష్టలూనూ. ఖాళీ టైం లో కుస్తీపోటీలకి వెళతాదేమో అనిపిస్తాది. పైగా ఇద్దరూ పెద్ద కలర్ కూడా కాదూ. అయినా ఆ జానా బెత్తెడు బట్టలేంటీ?? ఆ డబల్ మీనింగ్ బూతు డైలాగులేంటీ?? ఫ్యామిలీస్ రావాలా వద్దా సినిమాకి??"

నా.మాః అంటే ఏంట్రా నీ ఉద్దేశ్యం?. పెద్ద హీరోయిన్లు, పొడుగు హీరోయిన్లూ అంటున్నావ్??
మా హీరో చిన్నా చితాకా వాడనా?? తొక్కుతా ఏమనుకున్నావో.  కార్తీక బాలేదా? తెల్లగా తళ తళలాడీ పోడానికి తమన్నా అనుకున్నావా? డైరెక్టర్ ఏ పాత్రకి ఎవరు సరిపోతారో కొలతలేసి సరయిన మెజర్మెంట్స్ తో తీసుకున్నారంట ఆళ్ళని. అదే తమిళ్ ఆర్ట్ సినిమాల్లో హీరోయిన్లు జిడ్డు మొహాలేసుకొని, మొహానికి
మసి రాసుకొని, ముతక చీరలు కట్టుకుంటే అది రియలిస్టిక్ ఏక్షన్, నాచురల్ బ్యూటీ అంటావ్. అదేంట్రా నాయనా అని అడిగితే "హీరో, హీరోయిన్లు అందంగానే ఉండాలని రూలుందా?" అని కొచ్చెన్లేస్తావ్.
అక్కడ హీరోయిన్లని పొగుడుతావూ. ఇక్కడ మాత్రం ఈ హీరోయిన్లకి పొగెడుతున్నావ్?? అయినా A సెర్టిఫికేట్ సినిమాలకి డైరెక్టర్లకి నచ్చినట్టూ వేసుకుంటారు బట్టలు. నచ్చక పోతే అసలేస్కోరు. చూస్తే చూడూ లేకపోతే కళ్ళుమూస్కో. బూతు డైలాగులా ?? కోపమొస్తే ఆఫీస్ లో బాస్ ని బూతులు తిట్టుకోవా??. ఏ.... ఇంగ్లీష్/హిందీ సినిమాలు ఏమన్నా పవిత్రం గా ఉంటాయా?అందులో మాటకి పది బూతులున్నా చెవులు రిక్కించి వింటావ్." ఛీ..ఛీ ఏంటీ బూతులూ ??" అని ఏనాడయినా అన్నావా??అనవ్. పొరిగింటి పుల్లకూర రుసెక్కువలే. అసలీ సినిమాలో డైలాగ్స్ అరాచకం మచ్చుక్కి కొన్ని.

"వాడి నెత్తురు కి పోటెక్కువ. బొట్టు బొట్టూ చురకత్తే"
"ప్రజల గుండెల్లో ధైర్యాన్ని బతికించాలి. శత్రువుల గుండెల్లో భయాన్ని బతికించాలి. ఆ తల్లి గుండెల్లో ప్రేమని బతికించాలి. అందుకు ఈ నిజాన్ని చంపెయ్యాలి"
"ఒక్క సారి ఈ వంశం నాదీ, ఈ జనం నాదీ, జనం సమస్య నాదీ అనుకొని కొట్టానంటే.... నీ వంశం లో పది తరాల వరకూ మగపిల్లాడు పుట్టడానికి కూడా భయపడతాడ్రా"
"నాకు ఏదయినా కావాలనిపిస్తే దిగనూ. జనాలు రావాలని పిలిస్తే ఆగను"
"చరిత్ర సృష్టించే వాడెవడూ చెప్పిరాడూ. కానీ ఒంటరి గా వస్తాడు, నిలబడతాడు, మొదలెడతాడు. చరిత్ర సృష్టించే వెళతాడు"
"నీ కొడుకుని పోయీ ఓపిక ఉన్నప్పుడు రమ్మను. పదినిమిషాల తర్వాత అయినా పర్లేదు. పది రోజులయినా పర్లేదు. పది నెలలయినా, పది సంవత్సరాలయినా పర్లేదు. ఒక్క గంట ముందు ఫోన్ కొట్టు. నీ ఇంటి ముందు వచ్చి కూర్చుంటాను"
"చరిత్రేమిట్రా చరిత్రా... గేటు దగ్గర మొదలెడితే గుమ్మం ముందు ముగిసిపోయింది నీ చరిత్రా... పదినిమిషాలే పట్టీంది నాకు"

"నా దారి తప్పని చెప్పూ.. మార్చుకుంటా. నా తప్పు చూపించూ..సరిదిద్దుకుంటా.. కానీ నాకు చావుని చూపించాలనుకోకూ" (సరిగా గుర్తు లేదు ;()

"బతకండీ బతకండీ అని చెప్పాను కదరా.. వినలేదూ.. కోత మొదలైందీ.. రాత రాసిన భగవంతుడు కూడా ఆపలేడూ"
"సౌండ్ తగ్గించుకో.. ఈ సారి కొట్టానంటే గొంతులోనుండి అరుపు రాడానికి ఐదేళ్ళు పడతాదీ"
ఇలాంటి సూపర్ డూపర్ డైలాగ్స్ ఉంటే ఇవన్నీ వదిలేసీ డబల్ మీనింగులూ, బూతులూ ఎక్కువయిపోయాయ్ అంటున్నారు సో కాల్డ్ విమర్శకులు..

ఒక మరదలు బావగారితో (హీరో) "బావగారూ.. విప్పండి కడుగుతా....అదే... షూస్" అని మర్యాద గా అంటాది.
ఇంకొక మరదలు, బట్టలు తడిచిన బావగారికి తువ్వాలు తెచ్చీ "బావగారూ.. మీరు తుడుచుకుంటారా? నన్ను తుడవమంటారా? " అని అడుగుతాది. ఇందులో డబల్ మీనింగ్ ఎక్కడుందో బుర్ర బద్దలు కొట్టుకుంటున్నా
అర్ధం కావట్లేదు. నీలాగా సినిమా గురించి ఏం తెలీకుండా ప్రతీ ఒక్కడూ తెలుగు సినిమాని విమర్శించెయ్యటమే. రివ్యూలు రాసెయ్యటమే... హేమిటో కర్మ..

నా.క్లాః "రామ రామా.. హరి హరీ... ఏంటీ అశ్లీల భాషా సంభాషణలు... ఆ హింస ఏంటీ? వందల మంది నరకడం ఏంటీ? సెన్సార్ బోర్డ్ ఏం చేస్తుందసలూ.. ఆ ఫైట్లు మరీ దారుణం గాలేవూ? చేతిలు వెనక్కి మడుచుకొని భుజాలతో గుద్దెయ్యటం ఏందయ్యా? కొడితే కిందపడ్డోడు మళ్ళీ బంప్ లేచి పడటం ఏంటీ? విలన్లంతా గాల్లో ఎగిరే ఫైట్స్ ఆపరా??  హాలీవుడ్ సినిమాల్లో సూపర్ మేన్, స్పైడర్ మేన్, హీమాన్, hulk లాంటి సూపర్ హీరోస్ చేసే ఫైట్లు ఇక్కడ పెడితే ఎటకారం గా ఉండదా ??"

నా.మాః ఇదిగో దేని గురించన్నా మాట్లాడు గానీ ఫైట్స్ గురించి వాగావంటే బాగోదు.  ఒక్క మాటలో చెప్పాలంటే ఫైట్స్ తుక్కుతుక్కు చేసేశాడు. ఆ క్యారెక్టర్ కి తగినట్టూ పవర్ఫుల్ ఫైట్లు. ఇలన్లందర్నీ ఇరగదీస్తుంటే, రక్తం పారుతుంటే సామిరంగా నా ఒంట్లో కరెంట్ జెనరేట్ అయ్యింది. క్లైమాక్స్ లో హీరో చచ్చిపోయే తమిళ్ సినిమాలు చూసి హిట్ చేస్తాం కానీ మా హీరో చచ్చిపోతే మేం ఆ సినిమాఅని తన్నవతల పారేస్తాం.  మాకు మా హీరోలే సూపర్ హీరోస్.  సూపర్ మేనా? హీ మేనా? దమ్ముంటే రమ్మనూ... తొడ గొట్టి, మీస మెలేసి నరికి పారేస్తారు మా వాళ్ళు.
A సెర్టిఫికేట్ సినిమాకి చిన్న పిల్లలతో వచ్చీ,  హీరోయిన్ క్యారెక్టర్ బూతులు మాట్లాడుతుందీ, హీరో పోరంబోకు లా బిహేవ్ చేస్తున్నాడూ, లోకం పాడైపోతుందీ అని ఏడ్చే ప్రేక్షకులకీ, విమర్శకులకీ ఎన్ని చెప్పిన అర్ధం కావు వదిలెయ్.

నా.క్లాః "సరే.. ఫైట్స్ గురించి మాట్లాడనూ...ఆ క్లైమాక్స్ ఏంటీ బాబూ.? నమిలేసిన బబూల్ గమ్ సాగదీసినట్టూ.. హీరో చేతిలో దెబ్బలు తిన్నందుకు కన్న కొడుకునే చంపేసిన విలన్ హీరో క్లాస్ పీకితే మారి పోయి పొగడటం ఏంటీ?హీరో వాణ్ణి వదిలేయటమేంటీ? దానికన్నా ఇంటర్వెల్ కే సినిమా ఆపేస్తే సూపర్ గా ఉండేది కదా?"

నా.మాః హ్మ్మ్.. సెకండ్ హాఫ్ కొంచెం తగ్గిన మాట నిజమే. క్లైమాక్స్ సాగదీత మాటా నిజమే.  కానీ ఫస్టాఫ్ బాగుంది కదా?.
నా.క్లాః "ఆ.. ఫస్టాఫ్ బాగుందన్న సంగతి సెకండ్ హాఫ్ చూశాకే తెలిసింది నాకు"
నా.మాః అయితే ఇంకేముందీ? సినిమా బాగుందన్నావ్. హిట్.. హిట్.. బంపర్ హిట్.. కలెక్షన్ రికార్డులన్నీ మావే. మా ఫ్యాన్స్ అందరం పెద్ద పండగ చేసుకునే సినిమా ఇది. కొత్త రికార్డ్ సృష్టించేస్తాదీ సినిమా.. చూస్తూ ఉండూ.

నా.క్లాః "1200 ప్రింట్లంట కదా... మూడ్రోజులు కలెక్షన్స్ రాక ఏడుస్తాయా? చేస్కో రికార్డులు ఇరగ్గొట్టుకో.. ఇప్పుడు జై కొడుతున్నతక్కిన జనాలు ఛీ కొట్టే దాకా ఇలాంటి హిట్ సినిమాల చూస్తూ ఆ దుమ్ము లో దొర్లి ఎంజాయ్ చెయ్"

నా.మాః నీలాంటి తెలివైన వాళ్ళు Rs 40 కి సీడీ కొనుక్కొనో, ఫ్రీ టొరెంట్ డౌన్లోడ్ చేసో చూసి విమర్శిస్తున్నారనే, అన్ని సినిమాలూ ఇన్నేసి ప్రింట్లు రిలీజ్ చేస్తున్నారు. ఇదేరా "డాగ్ బైట్ కి స్లిప్పర్ స్లాప్" అంటే.

నా.క్లాః ఆ... ఇదే... దమ్ము తో దుమ్ము లేపడం అంటే కూడా ఇదే..  సినిమా మొత్తం ఒక కన్ను మూసుకొని ఉండే నాజర్ కళ్ళు తెరుచుకొని పీకిన క్లాస్ కి నేను కళ్ళు తేలెయ్యాల్సి వచ్చింది. సింహా సినిమా లాప్టాప్ లో మళ్ళీ చూసేస్తే పోయేది. సినిమా టికెట్ తో పాటూ జండూబామ్, సారిడన్ టాబ్లెట్లూ ఫ్రీ గా ఇస్తే బాగుండేది.
సినిమా బిగినింగ్ లో బోయపాటి శీను "సైలెన్స్.. రెడీ బాబూ... ఏక్షన్" అన్నప్పుడే వచ్చేస్తే ఇంకా బాగుండేది.

ఓ.. లెక్క ఉన్న తిక్క అన్నయ్యా.. రా..రా. ఈ వారం రోజులూ రెస్ట్ తీసుకుంటా... మళ్ళీ నువ్ కూడా కొట్టేద్దువూ గానీ.
ఇక ఈ సినిమా రివ్యూలు ఆపేద్దామనే గొప్ప నిర్ణయం తీసుకున్నా ఇందాకే.. "ఇక చాలూ"(చత్రపతి స్టైల్)

నీకూ నాకూ డాష్.. డాష్...

ఇదిగో టైటిల్ చూసి ఇదేదో సినిమా రివ్యూ అనుకునేరు.. కాదు కాదు..  ఆనందాన్ని పంచుకుంటే పెరుగుతుందంట, దుఃఖాన్ని పంచుకుంటే తరుగుతుందంటా..
చేసిన పాపం చెప్తే పూర్తిగా పోతుందంటా..ఏదో నా పాపాన్ని కడుక్కునే ప్రయత్నమన్న మాట.
రోజూ లేచే టైం కన్నా లేటగా లేవటం తో హడావిడిగా రెడీ అయ్యి, కబోర్డ్ లో ఉన్న అరడజన్ డియో స్ప్రే లలో ఒక స్ప్రే కంగారులో కాన్ఫిడెంట్ గా  తీసి ఒళ్ళంతా
పస్స్స్స్స్స్స్స్..పస్స్స్స్స్స్ మని కొట్టాను. కొట్టిన స్ప్రే ఏదో తెలీదు  గానీ వాసన మాత్రం చాలా ఘాటుగా వచ్చింది. కబోర్డ్ లో

డియో స్ప్రే లతో పాటూ రూమ్ ఫ్రెషనర్, నలుపు హిట్ కూడా కలిపున్నాయ్.

హ్మ్మ్... సర్లే.. మన వొంటి గంధం తో పోలిస్తే ఈ దుర్గంధం కూడా మంచి గంధమే అని సరిపెట్టుకొన్నాను.

"ఈరోజు ఈ పరిణామం దేనికి సూచన చెప్మా??" అని సందేహం మాత్రం కొడతానే ఉంది.

రచ్చ సినిమా చూశాక, మన తేజ గారి ఇంటర్వ్యూ లో రొటీన్ తెలుగు సినిమా కధల మీద ఇచ్చిన పంచ్ లు నచ్చీ, గుర్తొచ్చీ, నిజం,జై, ఒక విచిత్రం,కేక లాంటి సినిమాలు చూసి కూడా, 
ఒక బలహీన క్షణంలో "నీకూ నాకూ డాష్ డాష్" అనే వీర వెరయిటీ సినిమా చూడ్డానికి పూనుకున్నాను.

http://archives.eenadu.net/04-11-2012/Cinema/Cinemainner.aspx?qry=guest

ఇక్కడ ఒక లుక్కేసి రండీ.. చెప్తాను.
మా ఇన్నోవేటివ్ మల్టీప్లెక్స్ లో "బాబూ... డాష్ డాష్ సినిమాకి మూడు ఇవ్వు" అన్నాను లో వాయిస్ లో కొంచెం సిగ్గు పడుతూ.

"రచ్చ సినిమానే కదా?" అన్నాడాడు. ఓర్నాయనోయ్ వీడు కొంప ముంచేలా ఉన్నాడనుకోని
"నీకూ నాకూ డ్యాష్ డ్యాష్" అన్నాను పూర్తిగా సిగ్గొదిలేసి,కొంచెం కోపం తెచ్చుకొని.

రివ్యూలు రాయడానికి భయపడే సినిమాలు కూడా వస్తాయనీ, అవి నేను చూస్తాననీ,చూసి తట్టుకుంటాననీ అనుకోలేదేనాడూ. పంచాంగం లో ఈ సంవత్సరం నాకు బాలేదంటే తొక్కలే అనుకున్నా...
శ్రీ బుట్టే వీరభద్ర దైవజ్ఞ గారూ.. సారీ అండీ.

ఇహ ఈ సినిమా గురించి చెప్పాలీ అంటే డైరెట్రు తేజా చెప్పినట్టూ ఇది లిక్కర్ మాఫియా నేపధ్యం లో భావోద్వేగాలతో  పాకే పూర్తిస్థాయి వెరయిటీ ప్రేమకధా చిత్రం.
ఇంతకన్నా స్టోరీ చెప్తే బాగోదు కాబట్టీ చెప్పను. చాలా కొత్త కధండీ నిజంగానే.. "కేక సినిమా మీద ఒట్టు ఒక విచిత్రం సినిమా హిట్ట్లు అయినంత ఒట్టు.

వెరయిటీలు ఏంటీ??

1. మామూలు రొటీన్ సినిమాల్లో హీరో ఇంట్రడక్షన్ అయ్యాక పాట వస్తుంది కదా.. ఈ సినిమా లో పాట లో హీరో ఇంట్రడక్షన్ ఉంటుంది. (టైటిల్స్ అవ్వగానే పుసుక్కున పాట మొదలైపోయింది )
 సాధారణం గా గ్రూప్ డ్యాన్స్ లో డ్యాన్సర్లని వదిలేసి హీరోని మాత్రమే చూస్తాం. కానీ ఇందులో హీరో ఎక్కడున్నాడొ ఎతుక్కుంటాం. హీరో ఎవరా?? అని ఉత్కంఠత తో ఎదురుచూస్తాం.
2.రొటీన్ సినిమా లో హీరోయిన్ (హీరో పెళ్ళాం) ఎక్స్పోజింగ్ చేస్తాది. ఇందులో విలని (విలన్ పెళ్ళాం) ఎక్స్పోజింగ్ చేస్తాది.
౩. రొటీన్ సినిమాల్లాగా బూతులు సెన్సార్ కట్ చెయ్యాల్సిన అవసరం రాలేదు. ఆల్రెడీ డ్యాష్ లు పెట్టేసి సెన్సారోళ్ళకి శ్రమ తగ్గించారు. అయినా గానీ పాపం A సెర్టిఫికేట్ ఇచ్చారు.. ;(((((((((
4. రొటీన్ గా ఇటెం గర్ల్ తో నాటు సాంగ్ లేదు. కానీ చిత్రం సినిమా టైప్ లో కేక లాంటి సాంగున్నాది.
5.జయం సినిమా లో తాడు కట్టుకొని హీరో, ఫ్రెండ్స్ సహాయం తో దిగుతాడు. కానీ ఇందులో హీరోయిన్ తాడు సెటప్ యూజ్ చేసుకుంటాది.
6.రెగ్యులర్ సినిమా లో హీరోలు అడ్వాంటేజ్ తీసుకొని సరసాలాడేస్తుంటారు హీరోయిన్లతో. ఇందులో హీరోయిన్ నా నోటితో చెప్పలేని చిత్రీ పనులన్నీ చేస్తాది.(వెరయిటీ.. వెరయిటీ)

హీరోః ప్రిన్స్ అంటా.. కొత్తబ్బాయ్. ధ్వజ స్థంభానికి చొక్కా, పేంట్ తొడిగినట్టూ పొడుగ్గా ఉన్నాడు. తేజా సినిమా లో హీరో లాగే ఉన్నాడు.
చాలా చాలా మంచి క్యారెక్టర్. (అంటే ఆ క్యారెక్టర్ చాలా మంచిదని అర్ధం.. అవార్డ్ విన్నింగ్ పెర్ఫార్మెన్స్  అని అపార్ధం చేసుకోకండీ)

హీరోయిన్ః ఎప్పటిలాగే తేజా బాగా కాన్సన్ట్రేట్ చేశాడు హీరోయిన్ మీద. చక్కని కళ్ళు, పొడుగైన రెండు జడలూ బాగుంది. బాగా చేసింది. కాకపోతే నానా చండాలం చేయించాడు, నానా దరిద్ద్రాలూ వాగించాడు ఈ పిల్ల చేత పాపం ;(((((( అదే బాధేసింది నాకు. పేరు నందిత అట.

మెచ్చుకోవల్సిందేమంటే అందరూ తెలుగోళ్ళే అని విన్నాను. గుడ్డో గుడ్డు.

గుడ్డంటే గుర్తొచ్చింది ఈ సినిమాలో సుమన్ శెట్టి ని చూసి "లవ్ స్టోరీ కాదూ హారర్ సినిమానా?" అనుకున్నా మొదట్లో ఓ పది నిమిషాలు. కాకుంటే తర్వాత తర్వాత అలవాటై పోయీ సుమన్ శెట్టి కామెడీ కి కూడా నవ్వేశాను.
ఏమండీ.. వీపు మీద వాత పెట్టించుకున్నాక దాని మీద కారం రాస్తే మాత్రం తెలుస్తాదా? గియ్యగా గియ్యగా గెడ్డం గరుగ్గా అవుతాదని వినలేదా ఎప్పుడూ?? ఇది కూడా అంతే [బాబోయ్...ఏమయ్యిందీ రోజు నాకు??]

విలన్స్ః బోల్డుమంది విలన్లండీ... మెయిన్ విలన్ మాత్రం అరగుండు తో, కోరమీసాల్తో భలే కామెడీ గా ఉంటాడు. కానీ విలన్ వాళ్ళావిడ ఇంకా పెద్ద విలన్. కత్తి లా ఉంటాదీ కత్తట్టుకొని తిరుగుతాది. నిజం సినిమాలో రాశి కన్నా పవర్ఫుల్ అన్నమాట. 

మాటలుః  అబ్బబ్బా.. తేజా పెన్ తో రాశాడో కత్తి తో రాశాడో గానీ కేకలు పెట్టించాడు. (చావు కేకలా?? అని అడిగితే నేనేం చెప్పలేను)
ద్వ్యంద్య్వార్ధాలతో సినిమాలు తీయటం చేతకాదనీ తేజా వారు సెలవిచ్చారు. సో అన్నీ సింగులు మీనింగులే అన్నమాట.

హీరోయిన్ హీరో తోః  
"ఏరా డాష్ గా.. ఇలా రారా.. నేను నిన్ను డ్యాష్ చేస్తున్నాను. నువ్ నన్ను డ్యాష్ చేసే తీరాలి" (ప్చ్.. తప్పుగా అర్ధం చేసుకోకండీ ఇక్కడ డ్యాష్ ఆంటే లవ్ అండీ..)

"నన్ను లవ్ చేయకపోతే నీ డ్యాష్ పగిలిపోద్ది" (అదిగో మళ్ళీ... ఇక్కడ డ్యాష్ అంటే తల అని అర్ధం)
"ఏరా పొట్టి డ్యాష్ గా నా డ్యాష్ గాడేడీ??" (డ్యాష్ = లవరు)
"నేను ఇప్పుడే, ఇక్కడే నీతో డ్యాష్ చేస్తా.."

విలన్ తో : "నువ్ పోలీసోడివయ్యుండొచ్చు... కానీ నువ్ నన్ను కొట్టావని నా డ్యాష్ గాడికి తెలిసిందంటే.. నీ డ్యాష్ నీ చేతిలో పెట్టేస్తాడు" (అబ్బా... మిమ్మల్ని ఎడ్యుకేట్ చెయ్యటం నా వల్ల కాదు.)

విలన్ః  "చిరిగిననోటూ, కాలిరిగిన కుర్చీ, సాక్షం లేని కేసూ చెల్లవు"
          "పగ కత్తిని తీస్తుంది, ప్రేమ ప్రాణం తీస్తుంది"
లేడీ విలన్ హీరోయిన్ తోః వాంతి ఎందుకు వస్తుందే నీకు? కడుపులో ఏమీ పడకొస్తుందా? కడుపులో ఏదో పడొస్తుందా? (క్షమించాలి మిత్రులారా.. నేరం నాది కాదు)
ఇట్టాంటి కడుపులో అల్లకల్లోలం సృష్టించే పదునైన సంభాషణలు కో కొల్లలు.

కామెడీః  ఏం కామెడీ ఏం కామెడీ.? సూపరో సూపరు కామెడీ. భలే కామెడీ..అబ్బ బా బ్బ... ధియేటర్ లో చూసేవాళ్ళు చాపలు పట్టుకు పోవటం బెటరు. కింద పరుచుకొని దొర్లి దొర్లి నవ్వడానికి అనువు గా ఉంటాది. గొడుగు కూడా పట్టుకెళ్ళాలి. హాస్యపు జల్లులో తడిసి ముద్దై పోతామంతే. వికటాట్టహాసాల దుమ్ము లో తుమ్ములొచ్చేస్తాయంతే.

ఫైట్లుః ఆ... రోప్స్ అవీ పెట్టి లాక్కుండా,కొంచేమ్ నేచురల్ గా ఉన్నాయ్. కాకపోతే తేజా మార్క్ టమాటా జామ్ ఫైట్లూ, హీరో హీరోయిన్లు అడవి లో దెబ్బలతో తిరగటం విలన్లు వెతుకుతా రావటం కామన్ అన్నమాట.

క్లైమాక్స్ లో హీరోయిన్నూ, లేడీ విలనూ కొట్టుకునే ఫైట్ అరాచకం అంతే... నరాలు తెగే భావోద్వేగం, గుండె పగిలే గగుర్పాటు, ఉరిమే ఉత్సాహం, పిచ్చిగా నవ్వాలనే కోరికా కలిగాయ్ నాకయితే.

ఫోటోగ్రఫీః  ఈ సినిమాకి ఇద్దరు డైరెక్టర్లు, ఇద్దరు కెమెరామెన్ లు వర్క్ చేసినట్టు. బాగుండక చస్తుందా?? రసూల్ రచ్చ చేశాడు. అదేదో గో..ప్ప కెమెరా తో ఏసియా లోనే మొదటి సారిగా ఏదో తీసారంటా..
అదే సీనో మాత్రం తెలియలేదు నాకు. తెలుసుకోవాలని కూడా లేదు. మీకు తెలిసినా నాకు చెప్పొద్దు ప్లీజ్.

ట్విస్ట్ లు ఉన్నాయా?? : బొచ్చెడున్నాయ్.. నా మోకాలు ట్విస్ట్ అయిపోతే తలుపు ఇరుకున పెట్టి సరి చేసుకున్నాను ఇందాకే.

పాటలుః
కలికాలం లో "రామా" అన్నా బూతయిపోయిందన్నట్టూ, నాకు ఏం విన్నా.. డాష్ గానే వినిపిస్తుందీ.



చివరగా చిన్న కర్ణ పరీక్షః
http://musicmazaa.com/MMaPlayer/playsongs/?id=51040&t=MusicMazaa-1334344944612
ఈ సాంగ్ పూర్తిగా విని, సినిమా లో చూసి ఎంజాయ్ చెయ్యగలిన వాళ్ల ఇంటికొచ్చి, నా తలనీలాలు సమర్పించుకొంటాను. డ్యాష్ మీద ప్రామిస్..

నా తోటి ప్రేక్షకుల అభిప్రాయాలుః

మనోజ్ గాడుః ఇదేంట్రా షాపింగ్ మాల్ సినిమా లాగా ఉందీ??(మొదటి అరగంట కి)
రెండో అరగంటకి... నా వైపు అదోరకం గా చూసేడు తప్పితే ఏం మాటాళ్ళేదు.
"రచ్చ సినిమా కి మళ్ళీ పోయినా బాగుండేదిరా" (సినిమా అయిపోయాక)

సుధాకర్ గాడుః  
గ్రేటాంద్ర్హా వాడు 2.75 రేటింగిచ్చేసేడని చెప్పీ, డైరెక్ట్ గా ఆఫీస్ నుండి ధియేటర్ కి తీసుకొచ్చావ్ కదరా... @*#$#@$@#$(!__+_#)$

నేనుః
"ఇంత తట్టుకోలేని వెరయిటీ సినిమాలు రావటం వల్లే రచ్చ లాంటి రొట్ట సినిమాలు హిట్టవుతున్నయ్" అనుకుంటున్నారా? ప్చ్.. ఈ తెలుగు సినిమా ప్రేక్షకులతో ఇదే
ప్రోబ్లెం. హిట్టు సినిమాలిస్తుంటే కొత్తగా ఏమన్నా చెయ్యమటారు. కొత్తగా తీస్తే చెత్తగా ఉందంటారు. తమిళ్ సినిమాలు మాత్రం సూపరంటారు.
లాభం లేదు.. దాసరి వారితో చెప్పి ఈ సినిమాకి అవార్డ్ రప్పించాల్సిందే.
అవసరమయితే నేషనల్ అవార్డ్ కొట్టే సినిమా తీసి జనాల్ని చావగొట్టమని నేనే ఒక లేఖ రాస్తాను.ఆఅ.... రాస్తాను.
"ప్రేక్షకులు కోరుకునే అన్ని అంశాలతో నిండిన సినిమాలూ, వెర్రెత్తించే వెరయిటీ సినిమాలూ ఎన్నెన్నో మరెన్నో తీయించేసీ, యంగ్ ఇండియా, పరమవీర చక్ర సినిమాలు రీమేక్ చేయించేసీ, తెలుగు సినిమా ఇండస్ట్రీని డాష్ డాష్ చేసేస్తాను... ఇదే నా శపధం.. "

రచ్చ : ఒక "రొటీన్ రొట్ట మాస్ మసాలా" తెలుగు చిత్రం

ఆరెంజ్ లాంటి రొటీన్ కి భిన్నమయిన సినిమా ఫ్లాప్ టాక్ తో మొదలయ్యి, మిక్స్డ్ టాక్ తెచ్చుకునే లోగా  కొంచెం

అర్ధవంతమయిన సినిమాలు తీయగల భాస్కర్ లాంటి దర్శకుడిని అడ్డమయిన తిట్లూతిట్టీ దాన్ని పాతరేసి పారేసిన మా మెగా బ్రదర్స్ ఈ సారి హిట్టయ్యే సినిమా యే కానీ, తలనొప్పి రప్పించని సినిమా తీయకూడదని ఎంచుకున్న సినిమానే రచ్చ.

"ఈ సినిమాని ఓకే చేసిందీ, నాకు పునర్జన్మనిచ్చిందీ మెగాస్టార్ చిరంజీవే..." అని ఒళ్ళు పులకరించి పులిసిపోయేట్టు, పూనకమొచ్చినట్టు డైరెక్టర్ చెప్పినప్పుడే అర్ధమయిపోయింది ఎలా ఉంటుందో. మణిశర్మ కూడా అందుకు తగ్గట్టూ
ఒక్కసారి వినగానే డిలీట్ చేసిపారెయ్యాలనిపించే పాటలు అందించాడు.

ఇహ స్టోరీ విషయానికొస్తే............ ఏంటీ స్టోరీ కావాలా??

"ఆది" సినిమా చూశారా?? బన్నీ??? వర్షం??? దేవదాసు?? బద్రీనాధ్?? చిరుత?? అతనొక్కడే?? ఊసరవెల్లి???  ఈ సినిమాలన్నీ కలిపి కిచిడీ చేస్తే అదే కధ. (ఒక్కో సినిమా నుండీ ఒక్కో సీన్ గుర్తు రాకపోతే నన్నడగండి)

హమ్మయ్యా...సింగిల్ లైన్ లో కధ చెప్పేసేను. డైరెట్రు సంపత్ నందికి నా లాల్ సలాం.

రామ్ చరణ్ ఎలా చేశాడూ??

పెద్ద పీకడానికేం లేదు సినిమాలో. అరివీర భయంకరంగా నవరసాలూ మిక్స్ చేసి మిల్క్ షేక్ చేయాల్సిన పని లేదు. ఆ అవసరమూ లేదు, అవకాశమూ లేదు. తన క్యారెక్టర్ మేరకు బాగానే చేశాడు.
కధానుగుణం గా ఫార్ములా ప్రకారం వచ్చే పాటల్లో డాన్సులేశాడు.సీరియస్ గా మూతి బిగించి ఫైట్స్ చేశాడు. మిగిలిన చోట్ల పంచ్ డైలాగులు, పవర్ఫుల్ గా చిరంజీవి ని తలిపించేట్టూ చెప్పేడు.
పెద్ద మైనస్ పాయింట్ ఏంటంటే ఆడియో రిలీజ్ కి ముందే అఫిషియల్ గా లీకయ్యి హిట్టయిన "రచ్చ" టైటిల్ సాంగ్ లో పెద్దగా డ్యాన్స్ లేకపోవటం. జల్సా టైటిల్ సాంగ్ లో పవన్ లాగా పాటంతా
వాకింగ్ చేస్తా ఉంటాడు. రెండే రెండు స్టెప్ లు. అవి చూసి మా ఫ్యాన్స్ అంతా "ఊఊఊఊఊఊఊఒ..ఆఆఆఆఆఆఆఅ... ఏఏఏఏఏఏఏఏఏఏఏ" అని కేకలేసుకున్నాం. (కాలికి దెబ్బ తగిలిందండీ.అయినా మా ఓడు అదేం లెక్క చెయ్యకుండా ఒక తపస్సులాగా, ఒక యజ్ఞం లాగా నడిచీ, కాళ్ళూ చేతులూ కదిపి పాటలు పూర్తి చేశాడు. అర్ధం చేసుకోరూ..)
పెద్ద పాజిటివ్ పాయింటేమిటంటే... "డిల్లకు డిల్లకు డిల్లా" సాంగ్ లో డ్యాన్స్... సింపుల్గా ఒక్క మాటలో చెప్పాలంటే.. టాప్ లేపేశాడు. ఇరగదీసి, అరగదీసి, వాయగొట్టి వడ్డించాడు. (ఈ పాటకే కాలు డ్యామేజ్ అయిపోయుంటాది.)

తమన్నా....

అహో.. నాకు చాలా ఇంట్రస్ట్ గా ఉంది తమన్నా గురించి చెప్పడం. రిన్ సబ్బెట్టి ఉతికీ, నీలి మందులో ముంచి తీసినట్టూ.. ఒళ్ళంతా ఫెవికాల్ పట్టేసినట్టూ... తెల్ల తెల్లగా..సూపర్ గా ఉంది.
అవసరమయినంతా అవసరమయినవన్నీ చేసీ, చూపించీ టికెట్ డబ్బులు కిట్టించింది. నటనే కాదు డ్యాన్స్ కూడా బా చేసింది. వానా వానా వెల్లూవాయి పాటలో రచ్చ చేసింది నిజంగానే... !  ష్..ష్... ఈ కింద చూడండీ..

ఫైట్స్...

అబ్బో కేక.. హీరో ఎగిరి తంతాడు. దెబ్బకి ఇలన్లు ఎగిరెగిరి అల్లంత దూరన పడిపోవాల్సిందే... ఈ కత్తిచ్చుకు పొడిస్తే కుట్లు పడాల్సిందే... గొడ్డలిపట్టుకు నరుకుతా ఉంటే.. నా సామిరంగా రక్తం చిందాల. చేతులెగిరిపోవాల. అంతేనండీ..అంతే.. మేము తెలుగు సినిమా ఆడియన్స్... మాకిలాగే ఇష్టం... ఆ మూర్ఖుడు పవన్ కళ్యాణ్  నేచురాలిటీ అని చెప్పి ఇంకా పాతకాలపు ఫైటింగ్లు చేస్తా ఉన్నాడు. ఎప్పుడు మారతాడో ఏమో.

పాటల్స్....

మెలోడీ బ్రహ్మ మణిశర్మ... కాదు కాదు ఈ సినిమా నుండీ "మాస్ బ్రహ్మ". "పెంట"స్టిక్ మ్యూజిక్కండీ. మా బాస్ హిట్ సాంగ్... "వానా వానా వెల్లువాయ్" పాటని రిమిక్స్ చేశాడూ... ఇని సచ్చిపోయినా పాపం లేదు.
డైరెక్ట్ గా స్వర్గానికి పోతాం. మళ్ళీ నరకానికి పోవాల్సిన పనిలేదు.

వానా వానా వెలూవాయె. వాయె.. వాయే... కొండా కోనా కుళ్ళీ పోయే.. పోయే.. పోయే..

ఇహ  బ్యాక్ గ్రౌండ్ మ్యూజిక్ గిటార్ల తీగలు తెంచేశాడు.... డ్రమ్ముల దుమ్ము దులిపేసేడు. "హి ఈజ్ ది మిస్టర్ తీస్ మార్ఖాన్ రచ్చా..." (కంగారు పడకండి ఇది తెలుగు పాటే)

కామెడీ....

కామెడీ ఉందో లేదో క్లారిటీ తో చెప్పలేను  గానీ.... స్టార్ కమెడియన్లు ఉన్నారండీ.. బ్రహ్మీ, ఆలీ, రవిబాబు.. ఎమ్మెస్ నారాయణ.(వాళ్ళు కనిపించగానే నవ్వుతాం కదా కారణం లేకపోయినా)
ఒకటీ, రెండు సార్లు నవ్వేం లెండీ. మరీ ఎక్కువ నవ్వితే పిచ్చోళ్లనుకోరూ???

స్క్రీన్ ప్లే...

ఇదిగో.. ఇలాంటి పెద్ద పెద్ద మాటలు మహాడ్డం నా వల్ల కాదు. ఒకటే చెప్తాను. ఫస్ట్ ఆఫ్  వీక్ గా అనిపిస్తాదండీ. అలా ఎందుకుందో సెకండ్ హాఫ్ లో తెలుస్తాది. అర్ధం కాకపోతే సినిమా చూడండి పోయి.

డైలాగ్స్....

ఆ.... ఇదీ అసలు పాయింటూ.. మా ఫ్యాన్స్ పిచ్చెక్కిపోయే పాయింటూ.. నిజంగానే బా రాశారు. కంచాలు కిందపడేసినట్టూ... పంచులూ...పంచర్లు పడిపోయేలాగా అంచుల దాకా తీసుకెళ్ళొదిలాడు.
దాదాపు కుదిరినప్పుడల్లా... మెగాస్టార్, మా నాన్న, నా జీన్స్, నా రక్తం..., గెలుపూ, నా వెనక ఫ్యాన్స్ లాంటి డవిలాగులతో హాలంతా రచ్చ రచ్చే...
సెకండ్ హాఫ్ లో జనాల్ని రంజింప చేసిన సీన్లు ఉన్నాయీ అంటే... వాటికి సంపత్/(పరిచూరి బ్రదర్స్??) రాసిన డైలాగ్స్ వల్లే. క్లైమాక్స్ లో పరిచూరి వెంకటేశ్వర్లు, తమన్నా లు చెప్పే డైలాగ్స్ కి ఫ్యాన్స్ కి పూనకం వచ్చేస్తుంది. (మాస్ హిస్టీరియా అంటే ఇదే అన్నమాట)
నాకు కొన్ని డవిలాగులే కొంచెం కొంచెం గుర్తున్నాయ్...  ఫస్ట్ డే ఫస్ట్ షో అవ్వటం తో మిగిలినవన్నీ గాల్లో, కేకల్లో కలిసిపోయాయ్...

1.నాకు గెలుపిష్టం.. గెలుపులో బలుపిష్టం
2.కత్తిలోని పదును, బుల్లెట్ లోని స్పీడు, లావాలోని వేడీ ఉన్న మగాడి కోసం చూశాం.
౩.తాటిచెట్టంత పొడుగూ, పాపికొండంత బాడీ  ఉంటే సరిపోదురా.. కళ్ళళ్ళో పొగరుండాలీ, గుండెల్లో దమ్ముండాలి.
4.మా వాడు వచ్చిందే రికార్డ్స్ క్రియేట్ చెయ్యడానికి... (హీరో ఇంట్రడక్షను)
5. నువ్వరిస్తే అరుపులే.. నేనరిస్తే మెఱుపులే...
6.నన్ను పెంచిన తండ్రి కోసం నా ప్రాణాలే తీసుకోబోయాను. నా కన్నతండ్రి ఆశయం కోసం ఎందరి ప్రాణాలయినా తీస్తాను.
7.వెనక చూసుకొని తొడలు కొట్టే టైప్ కాదు రా నేనూ....(*&$$$$$$$$$&**)@@---------------------------- (ఆ తర్వాతి ముక్కలు గోలలో వినిపించలేద్ద్ద్ద్ద్ద్...)
8.రికార్డులు కొట్టడానికి వయసుతో పనేముందీ??
9.యుద్ధం లో మొదట చచ్చిపోయేది సైనికుడే నాన్నా అని చెప్పి మరీ పోయాడ్రా నా కొడుకూ..
10. బెట్టా?? బస్తీ వెర్సస్ మస్తీ... చమట వెర్సస్ సెంటూ.
12. గెలిచే అలవాటు నాకు బై బర్త్ వచ్చింది.

సెమీ ఫైనల్గా చెప్పేదేంటీ??? సినిమా చూడొచ్చా ?? బాగుందా?? బాలేదా???

అది చెప్పడానికి నేనెవర్నీ?? నే వెళ్ళొద్దని చెప్తే మానేస్తారా? చూడమని చెప్తే వెళ్ళీ చూసేస్తారా? ఎవరికి వారు వెళ్ళి అనుభవం మీద తెలుసుకోవాలి.
అయినా నాకు నచ్చిన సినిమాలన్నీ హిట్టయ్యాయా? నచ్చనివన్నీ ఫ్లాపయ్యాయా?
"లోకో భిన్న రుచీ" అన్నారు. అంటే లోకం లో బోల్డు రకాల రుచులున్నాయీ.. అన్నీ అందరికీ నచ్చవ్ అని అర్ధం.

ఫైనల్ గా చెప్పేదేమంటే... ఇదొక రొటీన్, మాస్ మసాలా చిత్రం. మా ఊళ్ళో ఇరగ ఆడేసే అవకాశాలున్నాయ్. మల్టీప్లెక్స్ జనాలు చూడరు. కమర్షియల్ సినిమాలు ఇష్టపడే వాళ్ళూ, ముఖ్యంగా ఫ్యాన్స్, పండగ చేసుకోవచ్చు.
టాక్ అయితే సూపరో సూపరు అని ఉంది ప్రస్తుతానికి.
చరణ్ నుండి ఇక అన్నీ ఇలాంటి ఫార్ములా సినిమాలే చూడాలేమో కర్మ... అని ఫీలవుతున్నా.. ;( ;( ;( [ఫ్లాపయినా పర్లేదు.. ఆరెంజ్, వేదం, రంగం లాంటి సినిమాలు చెయ్యాలనీ కనీసం తనలోని నటుణ్ణీ, డాన్సర్ నీ పూర్తిగా చూపించే సినిమా చెయ్యాలని ఒక మెగాభిమానిగా నా కోరిక]

ఆడియో ఫంక్షన్ లో మా అన్నయ్య సిరంజీవి "ఆరెంజ్ లో మిస్సయినవన్నీ ఇందులో ఉంటాయన్నాడు"నిజంగా సత్య హరిచ్చంద్రుడే... అవును...
ఇందులో నాటు బీటు పాటలున్నాయ్, ఫైటింగులున్నాయ్, సెన్సార్ కట్టయిన డైలాగులున్నాయ్, వాన పాటలున్నాయ్, ఆ పాటలకి "సింగరేణుందీ..బొగ్గే నిండిందీ.." లాంటి గొప్ప సాహిత్యం ఉందీ.
అరడజను ఇలన్లున్నారు. హీరో చేత నరికించుకోడానికి వందలమంది జనాలున్నారు.ఆఆఅ.. మరిచిపోయాను.. U/A సెర్టిఫికేట్ కూడా ఉంది.

ఇంకేం కావాలీ?? మేం కోరుకునేవి ఇయ్యే... మేము తెలుగు సినిమా ప్రేక్షకులం.. పిచ్చోళ్లం...

హిట్.. హిట్.. సూపర్ హిట్.... బంపర్ హిట్...  హండ్రెడ్ డేస్ పక్కా....
రచ్చ..  మొదటి రోజు కలెక్షన్లు...  ఇన్ని కోట్లు...
మొదటి వారం కలెక్షన్లు.... అన్ని కోట్లు...
నాలుగు వారాల టోటల్ గ్రాస్... అప్ప్పుడు చెప్తాలెండి.  అప్పటిదాకా ఉంటే.


మా నెక్స్ట్ ప్రోజెక్ట్స్... ట్రయిలర్స్....

దమ్ము..... ప్రచండ చండ మార్తాండ తేజా.. రాజాధి రాజాధి రాజా....

ఈగ... గుయ్.య్ య్య్య్య్య్య్య్య్య్య్.... 1 నిన్ను చంపటం.. 2 నిన్ను చంపటం.. 3..4..5.....9 నిన్ను చంపటం.

గబ్బర్ సింగ్... నాక్కొంచెం తిక్కుందీ... కానీ దానికో లెక్కుందీ..

ఈ ఎండాకాలం ఇరగదీసుడే.....!